GJ 1276

De Wikipedia
Saltar a navegación Saltar a la gueta
GJ 1276
GJ 1276
Constelación Acuariu
Ascensión reuta α 22h 53min 53,41s
Declinación δ -06º 46’ 54,7’’
Distancia 26,3 años lluz (aprox)
Magnitú visual +15,66
Magnitú absoluta +16,05
Lluminosidá 0,00004 soles
Temperatura 4000 ± 200 K
Masa 0,54 soles
Tipu espectral DZ
Velocidá radial -8,8 km/s

GJ 1276 (LHS 69 / WD 2251-070)[1] ye una estrella del tipu nana blanca, de magnitú aparente +15,66. Encuadrada na constelación d'Acuariu, alcuéntrase visualmente a 51 minutos d'arcu de la brillosa Hydor (λ Aquarii).

Distante aprosimao 26,3 años lluz del Sistema Solar,[2] cerca d'ella atopen les nanes coloraes GJ 1286 y Gliese 849, a pocu más de 5,5 años lluz.[3] El so tipu espectral, DZ, indica la presencia de llinies metáliques nel so espectru, implicando una atmósfera rica en metales. L'aspeutu más notable d'esti remanente estelar ye la so baxa temperatura (4000 ± 200 K) en comparanza cola d'otres nanes blanques. Puesto que les nanes blanques nun xeneren enerxía por fusión nuclear, sinón que radien al esterior l'escesu de calor a un ritmu constante, col tiempu la so temperatura superficial va baxando. Consecuentemente, les nanes blanques «fríes» son oxetos bien antiguos; asina, GJ 1276 tien una edá envalorada —como remanente estelar— de 7390 ± 180 millones d'años. Igualmente la lluminosidá d'estos oxetos aparra col tiempu, siendo la lluminosidá de GJ 1276 namái'l 0,004% de la lluminosidá solar. A títulu comparativu, la Estrella de Van Maanen —la nana blanca solitaria más próxima al Sol— ye 4,5 vegaes más lluminosa qu'ella. La so masa, en redol al 52% de la masa solar, ye un valor bien habitual nesti tipu d'oxetos.[4]

Referencies[editar | editar la fonte]

Coordenaes: Sky map 22h 53m 53.385s, -6° 46 54.489