Fueru de Llión

De Wikipedia
Saltar a navegación Saltar a la gueta

El fueru de Lleón ye'l primer fueru dau na Península Ibérica, la súa datación foi siempres problemática, peru anguaño caltiénse que se promulgóu un 30 de xunetu de 1017.

La datación[editar | editar la fonte]

Ta escomienzos del sieglu XX considerábase 1020 comu la data de creyación dao que Claudio Sánchez Albornoz estúdialu y deduz que la data correuta ye la del 1020, si qu'asina Ramón Menéndez Pidal seirá quien caltenga que ye enanterior y que l'añu de redaición ye 1017, y en 1992 Gonzalo Martínez Díaz concluyirá que'l fueru promúlgase un 30 de xunetu de 1017, baseándose na copia de Braga enanterior a la d'Uviéu, emplegada por Sánchez Albornoz.

Difusión[editar | editar la fonte]

Amás de las copias de Braga y Uviéu queda presencia d'esti fueru yá que muitas de las súas disposiciones fuorun copiadas nos fueros llioneses posteriores como los de Rabanal del Camín, Villafranca del Bierzu ou Puebla de Senabria.

Asina mesmu, el fueru de Benavente ye una copia del de Lleón y al empar aquelli fou la base de las fueros de las villas cantábricas y asturianas.

Conteníu[editar | editar la fonte]

  1. Abeyuga a texedores, toneleros y siervos.
  2. Fomenta'l desendolcu de la ciudá con indulxencias por dellas faltas, comu a los homicidas de fuxire de la xusticia si tienen familia na urbe.
  3. Esímese a los habitantes del pagu de las fonsadera ou de la mañería.
  4. Fixa las llendes de l'autual comarca del Alfoz, y llígala a las decisiones de la ciudá en llexislación, guerra y impuestos, malque esímelos del portalgu na entrada.

Regula la vida interna de la ciudá, entama la paz del mercáu, y la creyación d'un conceyu embrionariu, manque esti primixeniu conceyu ta enforma discutíu por quien caltién que nun tenía cáltere políticu sinón xudicial y quien sí, según estos Lleón seiría la primer urbe medieval europea. Esta postreira opinión seirá la que prevaleza ente los hestoriadores dao qu'apaecerán figuras propias únicamente del conceyu políticu comu'l merín ou'l sayón.

Reconocencia[editar | editar la fonte]

Nun sería sinon dica'l sieglu XVI qu'emprincipie l'interés pola importancia d'esti testu llegal na hestoria europeas, son los primeiros hestoriadores renacentistas los qu'entaman el so estudiu. Y, nos sieglos posteriores los eruditos hispánicos emplegarán la copia del Liber Testamentorun ovetense pa las críticas del testu.

Por embargu, quiciabes por que ta'l sieglu XX nun se concediéu a Portugal el papel que lu correspondía na hestoria llionesa, en 1922 Claudio Sánchez Albornoz atopóu nu Archivu Distrital de Braga una copia enanterior que seiría la que tornaría a sacar a la lluz la importancia d'esti testu. Anguaño consideráu por dellas cátedras la primera representación de los dreitos fundamentales de los ciudadanos na hestoria europea.