Fuercia magnetomotriz

De Wikipedia
15-04-2021 21:21

La fuercia magnetomotriz (FMM, representada col símbolu F) ye aquella que ye a producir un fluxu magnéticu ente dos puntos d'un circuitu magnéticu. Ye una de les variables usaes pa describir un campu magnéticu.

La fuercia magnetomotriz pue entendese de manera análoga al voltaxe llétricu de la llei d'Ohm. Esto ta espresao na llei de Hopkinson.

Llei de Hopkinson[editar | editar la fonte]

Nun circuitu magnéticu simple, el solenoide xenera una fuercia magnetomotriz proporcional a la corriente pol númberu de vueltes del solenoide

El potencial magnéticu o fuercia magnetomotriz, ye la fonte que produz el fluxu magnéticu nun circuitu magnéticu.

La Fuercia magnetomotriz d'un circuitu magnéticu pue espresase en términos del fluxu magnéticu Φ y la reluctancia magnética Rm

Esta ecuación pue entendese como una analoxía a la llei d'Ohm ( V = R I ). El fluxu magnéticu ye direutamente proporcional a la fuercia magnetomotriz que lu anicia ya inversamente proporcional a la reluctancia del circuitu magnéticu que depende del llargor del circuitu, l'área tresversal del circuitu y la permeabilidá magnética del material del que ta fechu. Les variables magnétiques pórtense como les sos análogues llétriques na llei d'Ohm.

El fluxu magnéticu sigue les llinies de fluxu per onde atopa menor reluctancia. Por esto les llinies de fluxu tán dientro del cuerpu d'alta permeabilidá, yá qu'esto ufierta muncha menor reluctancia que l'aire. Sicasí'l cuerpu d'alta permeabilidá entá tien cierta reluctancia que ye l'equivalente a la resistencia nesta analoxía de Hopkinson. El fluxu magnéticu sería l'equivalente a la corriente llétrica.

Usualmente nos circuitos llétricos simples (como na Figura) la fuercia magnetomotriz xenérase emplegando un solenoide. Esto ye un alambre aislláu endolcáu en forma d'héliz.

Fuercia magnetomotriz nun solenoide[editar | editar la fonte]

Solenoide.

Nel casu d'un solenoide llargu y con ciertu númberu de vueltes, la espresión pue simplificase. Nesti casu esprésase pola siguiente ecuación.

onde:

N: númberu d'espires de la bobina
I: intensidá de la corriente n'amperios (A)

La unidá de midida de la FMM ye'l amperiu-vuelta que se representa por Av.

La rellación esistente ente la fuercia magnetomotriz y el fluxu magnéticu qu'esta xenera denómase reluctancia y determínase pola espresión:

onde:

Φ: Fluxu magnéticu en weber.
: Reluctancia del circuitu n'amperiu vuelta dividíu weber.

Ver tamién[editar | editar la fonte]

Referencies[editar | editar la fonte]

1. Fitzgerald, A. E., Kimgsley, Ch. y Umans, S. (1993). «Máquines Llétriques». Editorial McGraw-Hill.