Frank Powell

De Wikipedia
Saltar a navegación Saltar a la gueta
Frank Powell
Frank Powell
Frank Powell 001.jpg
Vida
Nacimientu Hamilton1886
Nacionalidá Bandera de Canadá Canadá
Fallecimientu

Nueva York1957

(70/71 años)
Estudios
Llingües inglés
Oficiu
Oficiu direutor de teatru, actor, direutor de cine, guionista, actor de teatru, actor de cine y productor de cine
IMDb nm0288616
Cambiar los datos en Wikidata

Frank Y. Powell (1886 – 1957) foi un actor teatral y cinematográfico, guionista y direutor de nacionalidá estauxunidense, activu na dómina del cine mudu.

Biografía[editar | editar la fonte]

Nacíu en Hamilton, Ontario (Canadá), empezó a trabayar como direutor teatral para Augustus Thomas. Pasáu un tiempu empezó a collaborar col dramaturgu Kirk LaShelle, y mientres unos años dirixó producciones teatrales n'Europa para Ellen Terry.[1] En volviendo a los Estaos Xuníos debutó nel circuitu de Broadway en 1904 y empecipió la so carrera cinematográfica en 1909 como actor y guionista de los Biograph Studios. En dicha empresa tamién codirigió el so primer filme con D.W. Griffith, demostrando la so capacidá pa la direición de comedies.[1]

Imaxe de Theda Bara nun anunciu de prensa de la película de 1915 The Devil's Daughter, basada na traxedia de Gabriele D'Annunzio La Gioconda, de 1898, y empobinada por Frank Powell.

En dirixiendo 63 curtios pa Biograph, Powell volvió a Europa en 1914 y entró en Pathé Frères como productor de drames históricos y románticos.[1] Por problemes de salú hubo de cesar un tiempu nel so trabayu, anque aprovechó la oportunidá pa viaxar per Europa estudiando vestuarios y tipos.[1] A la so vuelta a Estaos Xuníos foi contratáu por Powers Motion Picture Company, volviendo más palantre a Pathé como direutor de llargumetraxes especiales.[1] Dempués trabayó como direutor independiente, rodando'l primer filme producíu pola compañía de George Kleine. Contratáu por William Fox, fixo numberoses cintes pa Fox Film Corporation, pasando dempués a los estudios World Film Corporation.

Powell ye recordáu por haber afayáu a l'actriz Theda Bara,[2] a la que dirixó en A Fool There Was (1915), la película que la convirtió nuna estrella internacional. Un añu enantes dirixiera a Bara nel so debú cinematográficu, The Stain. Él tamién dirixó a Mary Pickford en dieciséis filmes, según a estrelles como Florence Lawrence, Robert Harron, Kate Bruce, Blanche Sweet, Donald Crisp, Henry B. Walthall, y Mabel Normand.

A finales de 1916 Powell entamó la so propia productora, Frank Powell Productions Inc. Una de les sos películes, Charity? (1916), anunciada como un "foto-drama sociolóxicu", trataba sobre les condiciones de los orfanatos de Nueva York. En siendo visionada en priváu por un públicu que quedó espantáu poles desaxeraciones amosaes na cinta, l'estudiu decidió faer cambeos. Nesa dómina, el Gobernador de Nueva York, Charles S. Whitman, ordenara un informe sobre les condiciones de vida nes instituciones privaes d'atención a la infancia, y el filme podría ser consideráu como una oportunidá pa sacar dineru de la esmolición del públicu.[3]

A principios de los años 1920 Powell tamién escribió numberosos guiones pa producciones britániques, y en 1921 dirixó la so última película pa Mack Sennett.

Seleición de la so filmografía[editar | editar la fonte]

Anuncio (1916)

Direutor[editar | editar la fonte]

Actor[editar | editar la fonte]

Guionista[editar | editar la fonte]

Referencies[editar | editar la fonte]

  1. 1,0 1,1 1,2 1,3 1,4 Robert Grau (1914) The Theatre of Science, The Broadway Publishing Company
  2. Daniel Talbot (1975) Film: An Anthology, University of California Press
  3. The Survey Vol.37 (1917), Survey Associates Inc., New York

Enllaces esternos[editar | editar la fonte]