Francisco Bernaldo de Quirós y Mariño de Lobera

De Wikipedia
Francisco Bernaldo de Quirós y Mariño de Lobera
capitán general de Cataluña (es) Traducir

1826 - 11 setiembre 1827
Joan Caro Sureda-Valero i Togores - Carlos de España (es) Traducir
capitán general de Cataluña (es) Traducir

17 febreru 1824 - 17 xunetu 1825
Barón de Eroles (es) Traducir - Joan Caro Sureda-Valero i Togores
Ministru de la Guerra

23 ochobre 1815 - 19 xunu 1817
Francisco López Ballesteros - Francisco de Eguía (es) Traducir
capitán general de Cataluña (es) Traducir

14 xunetu 1814 - 22 ochobre 1815
Barón de Eroles (es) Traducir - Andrés Pérez de Herrasti (es) Traducir
Vida
Nacimientu Uviéu26 d'abril de 1763
Nacionalidá España
Muerte Madrid5 de febreru de 1837[1] (73 años)
Estudios
Llingües falaes castellanu
Oficiu militarpolíticu
Llugares de trabayu Madrid
Premios
Serviciu militar
Graduación xeneral
Lluchó en Guerra de la Independencia Española
Cambiar los datos en Wikidata

Francisco Bernaldo de Quirós y Mariño de Lobera (26 d'abril de 1763Uviéu – 5 de febreru de 1837Madrid), VI Marqués de Campu Sagrao, foi un militar y políticu español, Ministru de la Guerra de 1815 a 1817 y delles vegaes Capitán Xeneral de Cataluña.

La Fonte del Xeniu Catalán, alzada en 1856 na plaza del Palau de Barcelona. Esti monumentu honra al Marqués de Campu Sagrao, Capitán Xeneral de Cataluña, por traer a la ciudá en 1826 les agües de la sierra de Moncada. La figura alada alegoriza el trunfu del progresu téunicu; los cuatro matrones representen a les provincies catalanes, y los caños que broten de cabeces de lleón a los ríos Ebro, Segre, Llobregat y Ter. Nel frente, so la inscripción, lluz un escudu coles armes y lema de los Quirós, timbrado de corona y arrodiáu de ramos de lloréu.
Bandera inspirada nel informe de Gaspar Melchor de Xovellanos sobre'l blasón que tenía de pintase nes banderes del Reximientu de Nobles Asturianos. Redactáu a pidimientu de Campu Sagrao, esti informe proponía usar como insinia la Cruz de la Victoria, y sirvió de fundamentu por qu'en 1984 adoptárase dichu emblema nel escudu del Principáu d'Asturies.

Biografía[editar | editar la fonte]

Nació'l 26 d'abril de 1763 nel palaciu de la so familia n'Uviéu, güei sede del Tribunal Cimeru del Principáu, y foi bautizáu'l 28 en San Xuan el Real. Yera'l tercer fíu varón de Francisco Antonio Bernaldo de Quirós y Cienfuegos, IV Marqués de Campu Sagrao, mayoralgu n'Uviéu y n'Avilés, y de Francisca de Sales Mariño de Lobera y Pardo de Figueroa, la so muyer y prima segunda, natural de Pontevedra, fía de los Marqueses de la Sierra.[2]

En 1792 el so hermanu Xosé Benitu, que yera clérigu, Maestrescuela de la Catedral de Cuenca y Sumiller de Cortina de S.M., fixo arrenunciu y cesión nel so favor del marquesáu de Campu Sagrao y del mayoralgu de los Quirós, que portaba los señoríos de Villoria y del valle de Viñayo, y los oficios d'Alguacil Mayor d'Uviéu, con vara de rexidor, y de Notariu Mayor de la Santa Cruzada de dicha ciudá y obispáu.

Ingresó nel Colexu d'Artillería nel añu 1777, con catorce años d'edá. Combatió nel sitiu y rindición del castiellu de San Felipe de Mahón, nel de Xibraltar y na Guerra contra la República Francesa. Foi Coronel del Reximientu de Nobles Asturianos,[3] y retiróse del serviciu con dichu emplego en 1803, siendo nomáu caballeru de la Orde de San Hermenegildo y condecoráu cola Orde de Lliriu.

Pero volvió empuñar les armes al españar la Guerra de la Independencia, a requerimientu de la Xunta Suprema del Principáu, que lu nomó Teniente Xeneral el 23 de xunu de 1808. Desempeñó un relevante papel políticu y militar mientres la guerra y nos años siguientes:

Casó socesivamente con dos hermanes: Escolástica y Jacoba de Valdés y Inclán, de la familia xixonesa de los condes de Canalejas. Y morrió ensin descendencia en Madrid el 5 de febreru de 1837.

Referencies[editar | editar la fonte]

  1. Afirmao en: Diccionario biográfico español. Identificador DBE: 25091/francisco-bernaldo-de-quiros-y-marino-de-lobera. Apaez como: Francisco. Bernaldo de Quirós y Mariño de Lobera. Data de consulta: 9 ochobre 2017. Editorial: Real Academia de la Historia. Llingua de la obra o nome: castellanu. Data d'espublización: 2011.
  2. Saltillo, Marqués del [Miguel Lasso de la Vega y López de Tejada], y Marqués de Jaureguízar [Javier Pérez de Rada y Díaz Rubín], Llinaxes y palacios uvieínos. Datos pa la so hestoria (Madrid, Fidalguía, 1992), p. 73.
  3. Como xefe d'esta nueva unidá militar, Campu Sagrao tenía que decidir cuál sería la so insinia, y pidió dictame a Xovellanos, quien propunxo usar la Cruz de la Victoria nun eruditu informe tituláu Al Señor Marqués de Campu Sagrao, Coronel del Reximientu de Nobles Asturianos, sobre'l blasón que tien de pintase nes sos banderes. Esti informe sirvió de fundamentu por qu'en 1984 adoptárase dichu emblema pal escudu del Principáu d'Asturies.
  4. Xovellanos tenía a Pachín Campu Sagrao por unu de los sos meyores amigos: Nos sos Diarios dexa constancia d'agospiase en delles de les residencies del Marqués (Uviéu, Mieres, Avilés, Benllera...) y comenta con aponderamientu les sos intervenciones na política rexonal: «¡Cómo trabaya'l probe Marqués! Pocos que lu ayudar; munchos a estorbar y entá contradicir.» «Nun hai un home que tea nos verdaderos principios; namái Campu Sagrao averar a ellos y ta dispuestu a siguilos». Gaspar Melchor de Xovellanos, VIAXES.pdf Los viaxes per Asturies (1790-1801) (Uviéu, Alsa, 2010), páxs. 31 y 197.
  5. CSIC. Rellación de Ministros y miembros de Rexencies y Xuntes de Gobiernu (1808-2000).
  6. Pineda y Cevallos Escalera, Antoniu de, Casorios regios de la Casa de Borbón n'España (1701-1879) (Madrid, 1881), p. 187. Y Gaceta estraordinaria de Madrid del 27 de febreru de 1816.
  7. Base documental d'Història Contemporània de Catalunya, Capitanes Xenerales de Cataluña: Francisco Bernaldo de Quirós. Y Gran Enciclopedia Catalana, s.v. «Bernaldo de Quirós Mariño, Francisco» (Barcelona, 1992, vol. 4, p. 463).
  8. Conceyu de Barcelona, Art Públic; Francesc Fontbona de Vallescar, «La imaxe de Barcelona al traviés de la escultura pública» en M.ª del C. Lacarra Ducay y C. Giménez Navarro (coords.), Historia y política al traviés de la escultura pública, 1820-1920 (Zaragoza, Institución Fernando'l Católicu, 2003), páxs. 89-101, p. 92.
  9. Mato Díaz, Ángel (2004). «Los ministros de la Guerra d'ascendencia asturiana», Girón, Xosé: Historia Militar d'Asturies I (en castellanu). Real Institutu d'Estudios Asturianos, páx. 91-104. ISBN 84-89645-93-0.