Francesco Petrozzi
Francesco Petrozzi | |||||
|---|---|---|---|---|---|
.jpg) | |||||
3 ochobre 2019 - 4 avientu 2019 ← Luis Jaime Castillo - Sonia Guillén →
27 xunetu 2016 - 30 setiembre 2019 Distritu: Distrito electoral de Lima (es)  Eleiciones: eleiciones parllamentaries de Perú de 2016 | |||||
| Vida | |||||
| Nacimientu | Callao, 13 d'avientu de 1961[1] (62 años) | ||||
| Nacionalidá |
 Perú | ||||
| Estudios | |||||
| Estudios |
Universidad Ricardo Palma (es) | ||||
| Llingües falaes | castellanu | ||||
| Oficiu | cantante d'ópera, políticu | ||||
| Mena de voz | tenor | ||||
| Instrumentu musical | voz | ||||
 | |||||
Francisco Enrique Hugo Petrozzi Franco (13 d'avientu de 1961, Callao), más conocíu como Francesco Petrozzi, ye un tenor llíricu peruanu y Congresista de la República del so país.
Biografía[editar | editar la fonte]
Francesco Petrozzi nació na provincia constitucional del Callao, n'avientu de 1961, anque la so infancia trescurrió nel distritu limeñu de San Isidro.
Mientres los años de la so enseñanza secundaria nel Colexu Maristes de San Isidro, empezó a amosar habilidaes y un especial enclín pol cantar, de tal manera qu'a la edá de 12 años asocedió la so primer presentación ante los micrófonos de Radio Panamericana, acompañáu al pianu por “Josesito Pace”, un popular músicu arxentín d'aquellos tiempos.
La so primer incursión sobre un escenariu, tuvo llugar, por eses casualidaes del destín, a la temprana edá de 13 años, cuando s'atopaba de xira llatinoamericana'l míticu cantante de tangos arxentinos “Charro” (Carlos Pérez de la Riestra). Dichu intérprete, escuchó al neñu nuna fiesta y aportunó en presentalo nes sos apaiciones en Lima, qu'entós daquella se realizaron nel Teatru Manuel A. Segura.
Llegáu'l cambéu de voz, y yá convertíu en tenor, debutó en 1980 a la edá de 18 años, na Ópera Carmen de Bizet na temporada oficial del Teatru Municipal de Lima.
Al terminar el colexu, y por suxerencia paterna, ingresó a la Universidá Ricardo Palma col enfotu de estudiar Economía, afayando darréu, que nun yera la carrera que más interés -y espertaba. Dempués d'un añu y mediu d'estudios xenerales, decidió presentase a la Universidá de Lima pa estudiar Derechu. Hai de solliñar que, mientres los sos años académicos, alternativamente, yá tomaba lleiciones de cantar col Maestru Manuel Cuadros Barr.
Yá atopándose na universidá, el tenor decidió postular a una beca del Gobiernu alemán, pa optar por instrucción musical n'Europa. Ye asina que decide dexar el Perú pa dedicase, de llenu, a la música y al cantar. N'Alemaña, cursó estudios de cantar y música na Musikhochschule de Würzburg col Maestru Hanno Blaschke y, darréu, na Escuela Cimera de Cantar de Madrid, cola sopranu española Ana Figales.
Al rematar los sos estudios, vuelve per unos años a Suramérica y debuta na comedia musical “Annie”, dirixida por Osvaldo Cattone y entama una carrera televisiva que la llevaría a la conducción y participación en programes de televisión, principalmente en Lima y Buenos Aires.
En 1997, debuta nel Aalto Theater, Essen (Alemaña) col papel de Rodolfo na ópera de Puccini La Bohéme, empezando asina una carrera que la llevaría a exhibise ante públicu esixentes d'Alemaña, Canadá, Estaos Xuníos, Nueva Zelanda y Xapón.
En 2016, postuló a les eleiciones xenerales pa ser congresista de la República na llista del partíu políticu Fuercia Popular y darréu foi escoyíu Presidente de la Comisión de Cultura y Patrimoniu Cultural. [2]
Televisión y música pop[editar | editar la fonte]
En 1986, Francesco Petrozzi ganó, nel Perú, la versión nacional del Festival OTI (Organización de la Televisión Iberoamericana), faciéndose de momentu popular en medios televisivos y radiales. De resultes d'ello, foi contratáu por Osvaldo Cattone pa participar xunto a él nes comedies musicales “Annie” (1987) y El Home de la Mancha (1988). Mientres dichu periodu, l'artista foi ficháu pola empresa discográfica IEMPSA pa la cual grabó dende 1987 hasta 1991.
En 1989, debutó como cantante na televisión arxentina impulsáu pol productor y animador Gerardo Sofovich, con quien tuvo acomuñáu hasta la so apaición como co-animador del programa de Canal 13 (de Buenos Aires) “La to mano, la mio mano”, xunto a Nelly Raymond.
En 1991,empezó na televisión peruana como animador y productor del so propiu espaciu “¡Qué tal Francesco!”, emitíu por Canal 13 (de Lima), mientres l'añu 1991 y empiezos de 1992. Hai de solliñar que nel añu 91, tamién participó na telenovela Mala Muyer” realizada en Lima per Radiu Caracas Televisión en Co-Producción con Frecuencia Llatina (Canal 2), xunto a Rudy Rodríguez, Daniel Llugo y Katia Kondos.
N'abril de 1992, debutó nes pantalles de Canal 7 (Televisión Nacional de Perú), col espaciu “Nueche de Miércoles”.
La idea de tolos programes de la so autoría yera la mesma: irradiar nel Perú l'arte y la cultura nacional y da-y a los artistes locales un merecíu llugar nes pantalles de televisión del so país. Entós daquella, poco se falaba de los derechos de pantalla de los artistes peruanos, basáu nesto ,y viendo el so llabor actual, puede dicise que Francesco Petrozzi foi un precursor nel espardimientu del talentu nacional y na hestoria van quedar grabaos los sos primeros intentos en da-y al artista peruanu un llugar d'importancia nos medios masivos de comunicación social. [3]
Carrera llírica[editar | editar la fonte]
En 1996, dempués d'un curtiu periodu como profesor de cantar na Universidá de Western Ontario en Canadá, consiguió'l so primer contratu llíricu n'Alemaña, debutando na Fürstbischöfliches Opernhaus de Passau cola ópera Aufstieg und Fall der Stadt Mahagonny de Kurt Weil.
Dende'l so debú en 1999 como Rodolfo en “La Bohéme” de Giacomo Puccini, nel Nationaltheater de Múnich, empezó una carrera internacional en cases d'ópera y sales de conciertu de los cinco continentes, tales los casos de “Opernhaus Zürich”, “Oper Frankfurt”, “Bayerische Staatsoper” Múnich, “Concertgebouw” Amsterdam, “Bunka Kaikan” Tokyo, y “Staatsoper” de Praga, ente otros.
Presentóse tamién ante los públicos de Berlín, Viena, Estaos Xuníos, Canadá y Nueva Zelanda. Trabayó so les batutes de Zubin Mehta, Marcello Viotti, Fabio Luisi, Kent Nagano y James Levine. Dende 2001 hasta 2016, foi miembru estable de la Bayerische Staatsoper de Múnich, onde actuó xunto a figures de la talla de Plácido Domingo, Edita Gruberova, Thomas Hampson, y Leo Nucci.
El so repertoriu toma alredor de 20 roles pa tenor, de los cualos los más destacaos fueron: Enzo (Gioconda, debú: Dorset Opera Festival, Inglaterra), Cavaradossi (Tosca, debú: Bunka Kaikan, Tokyo), Rodolfo (La Bohème, debú: Nationaltheater, Múnich), Don José (Carmen, debú: Aalto Theater, Essen), Alfred (Die Fledermaus, debú: Nationaltheater Múnich), Manrico (Il Trovatore, debú: Staatsoper, Praga), Gustavo lll (Un Ballo in Maschera, debú: Stadtstheater Bielefeld, Alemaña), Radamés (Aïda, debú: Schloss Schönbrunn, Viena), Pinkerton (Madama Butterfly, debú: Nationaltheater, Mannheim), Turiddu (Cavalleria Rusticana, debú: Staatstheater Núremberg), El Duque de Mantua (Rigoletto, debú: Staatstheater Núremberg), Otello (Otello, debú: Fürstbischöfliches Opernhaus Passau) y Lensky (Eugene Onegin, debú: Bass Hall Fort Worth, Texas).
En 2007, foi escoyíu pal estrenu mundial de la ópera “Fiesque” de Edouard Laló nel Teatru Nacional de Mannheim. En 2009, xunto al direutor Martin Wettges, co-fundó'l Festival Llíricu de les Islles Mauricius, en Africa, col so debú nel “Nadir” de la ópera: “Los Pescadores de Perlles” de Bizet. Dende 2012 el tenor peruanu collaboró nes producciones del repertoriu Wagneriano del Teatru Arxentín” de La Plata, destacar la so participación en “Rheingold” como: “Loge”, y en “L'Holandés Errante” como: “Erik”. [4]
Política[editar | editar la fonte]
La so carrera musical, siempres tuvo estrechamente amestada col so interés por distintos llabores sociales. Son recordaos los sos conciertos benéficos pa entidaes como “Fundades” y “Semando”. Na década de los 90, siendo entós daquella Presidente de la República, Alberto Fujimori, foi bien estrecha la so rellación cola Orquesta Sinfónica Nacional, xunto a la que frecuentemente, y de manera gratuita, realizó conciertos non solo en teatros, sinón tamién en parques, barrios y escueles de la ciudá de Lima.
En 2016, el tenor foi convidáu pola lideresa de Fuercia Popular, Sra. Keiko Fujimori, a participar na so llista congresal. Al traviés de les urnes, llegó al Congresu de la República de Perú, por que darréu, y por votación unánime, escoyérase-y como presidente de la Comisión de Cultura y Patrimoniu Cultural del Poder Llexislativu peruanu. [5]
Referencies[editar | editar la fonte]
- ↑ URL de la referencia: https://infogob.jne.gob.pe/Politico/FichaPolitico/francisco-enrique-hugo-petrozzi-franco_historial-partidario_JCxzrZmqFKM=xZ. Data de consulta: 23 avientu 2023.
- ↑ http://www.congreso.gob.pe/congresistes2016/FranciscoPetrozzi/
- ↑ http://www.apdayc.org.pe/
- ↑ https://www.staatsoper.de/index.html
- ↑ http://keikofujimori.pe/
Enllaces esternos[editar | editar la fonte]
| Control d'autoridaes |
|
|---|
Datos: Q1441182
Multimedia: Francesco Petrozzi