Frances Dade

De Wikipedia
Saltar a navegación Saltar a la gueta
Frances Dade
Frances Dade35mm film frames.svg
Frances Dade in Screenland.png
Vida
Nacimientu Filadelfia14  de febreru de 1910
Nacionalidá Bandera de Estaos Xuníos d'América Estaos Xuníos
Fallecimientu

Filadelfia21  de xineru de 1968

(57 años)
Oficiu
Oficiu actriz y actriz de cine
IMDb nm0196596
Cambiar los datos en Wikidata

Frances Dade (14  de febreru de 1910Filadelfia - 21  de xineru de 1968Filadelfia), tamién conocida como Lorelei Lee, foi una actriz cinematográfica estauxunidense de los años venti y trenta.

Nacida y criada en Filadelfia, Pennsylvania, Dade treslladóse a Hollywood, California, a finales de los años venti con cuenta de faer una carrera como actriz. Nos sos entamos apaecía na repartida col nome de "Lorelei Lee". Llamó l'atención de los cineastes mientres trabayaba na compañía de viaxes "Gentlemen Prefer Blondes". El so primer papel llegó en 1928, con una actuación ensin apaecer nos creitos al pie de les estrelles Dorothy Boyd y Mabel Poulton en The Constant Nymph. En 1930 fixo cuatro rodaje, unu d'ellos ensin creitos.

En 1931 consiguiría'l papel más importante de la so carrera, cuando interpretó a "Lucy Westenra" en Drácula, película protagonizada por Béla Lugosi y Helen Chandler. Dende entós foi conocida como la "más memorable víctima de Drácula", y l'escena con Bela Lugosi acurriéndose sobre'l so cuerpu postráu permanez como una parte indeleble de la cultura pop. Esi papel apurriría-y una curtia notoriedá, y facilitó-y el ser escoyida una de los trelce "WAMPAS Baby Stars" d'esi añu. La llista de trece actrices escoyíes incluyía a Marian Marsh, Karen Morley, y Marion Shilling.

Sicasí, a pesar de la so actuación en Drácula, les ufiertes que recibía menguaron. Trabayó en seis películes en 1931, trés d'elles del xéneru de terror, y en 1932 namái actuó nun filme, Big Town. Esi mesmu añu interpretó en Broadway la obra Collision, que tuvo un ésitu discretu. Poco dempués retiróse y casóse con Brock Van Avery. Finalmente volvió a Filadelfia, dedicándose a la enfermería. Finó nesa ciudá en 1968.

Referencies[editar | editar la fonte]

Enllaces esternos[editar | editar la fonte]