Fornacis

De Wikipedia
Saltar a navegación Saltar a la gueta
Artículu revisáu
Fornacis A/B
Constelación Fornax
Ascensión reuta α 03h 12min 04,3s
Declinación δ -28º 59’ 21’’
Distancia 46 ± 0,4 años lluz
Magnitú visual +3,80 (+3,9 / +6,5)
Magnitú absoluta +3,05 (conxunta)
Lluminosidá 4 / 0,5 soles
Temperatura 6240 / 5500 K
Masa 1,25 / 0,75 soles
Tipu espectral F8IV / G7V
Velocidá radial -20,5 km/s

Fornacis (α Fornacis / α For / HD 20010)[1] ye la estrella más brillosa de la constelación de Fornax, el fornu, con magnitú aparente +3,80. Recibe tamién la denominación de Flamsteed 12 Eridani.[1] Ye una estrella relativamente cercana al Sistema Solar, yá que s'atopa a 46 años lluz.

Fornacis ye una estrella binaria que les sos componentes tán dixebraes visualmente 4 segundos d'arcu. La componente principal, Fornacis A, ye una subxigante mariella de tipu espectral F8IV y 6240 K de temperatura superficial. Cuatro veces más lluminosa qu'el Sol, tien una masa de 1,25 mases solares. La estrella secundaria, Fornacis B, ye una nana mariella de tipu espectral G7V menos lluminosa que'l Sol, con un 50% de la lluminosidá del mesmu. Más fría que la so compañera, la so temperatura ye de 5500 K. Ye menos masiva que'l Sol, con una masa de namái 0,75 mases solares.[2] El sistema amuesa una metalicidá inferior a la solar ([Fe/H] = -0,21) y la so edá envalórase en 3800 ± 700 millones d'años.[3]

Los dos estrelles completen una órbita alredor del centru de mases común cada 269 años. La separtación media ente dambes ye de 56 UA, nuna órbita escéntrica que les lleva dende una distancia mínima de 15 UA a una distancia máxima de 97 UA. En 1947 la separtación ente les dos estrelles yera mínima, ente que la separación máxima va tener llugar nel añu 2082.[2]

Les componentes de la velocidá espacial de Fornacis son (U, V, W) = (–35, +20, +30) km/s.[4] Fai aprosimao 350.000 años, Fornacis esperimentó un alcuentru cercanu cola estrella blanca de la secuencia principal HD 17848; envalórase que, naquel momentu, la separtación mínima ente elles foi de namái 0,265 años lluz (0,081 pársecs).[5]

Ver tamién[editar | editar la fonte]

Referencies[editar | editar la fonte]

  1. 1,0 1,1 LHS 1515 -- High proper-motion Star (SIMBAD)
  2. 2,0 2,1 Alpha Fornacis (Stars, Jim Kaler)
  3. Gonzalez, G.; Carlson, M. K.; Tobin, R. W.. «Parent stars of estrasolar planets - X. Lithium abundances and v sini revisited». Monthly Notices of the Royal Astronomical Society 403 (3). pp. 1368-1380. http://cdsads.u-strasbg.fr/cgi-bin/nph-bib_query?2010MNRAS.403.1368G&db_key=AST&nosetcookie=1. 
  4. Gliese, W.. «Catalogue of Nearby Stars». Veröffentlichungen des Astronomischen Rechen-Instituts Heidelberg. Bibcode1969VeARI..22....1G. 
  5. Deltorn, J.-M.; Kalas, P. (2001). «Search for Nemesis Encounters with Vega, ε Eridani, and Fomalhaut». En Ray Jayawardhana and Thomas Greene. Young Stars Near Earth: Progress and Prospects. 244. San Francisco: Astronomical Society of the Pacific. p. 227. ISBN 1-58381-082-X, 2001. Bibcode2001ASPC..244..227D.