Fonte de los Cuatro Caños

De Wikipedia
Saltar a navegación Saltar a la gueta
Fonte de los Cuatro Caños
Bien d'Interés Cultural
fonte y monumentu
Fuente 4 caños.jpg
Llocalización
PaísFlag of Spain.svg España
AutonomíaFlag of Asturias.svg Principáu d'Asturies
ConceyuUvieu flag.svg Uviéu
Coordenaes 43°23′04″N 5°49′30″O / 43.38454°N 5.82493°O / 43.38454; -5.82493Coordenaes: 43°23′04″N 5°49′30″O / 43.38454°N 5.82493°O / 43.38454; -5.82493
Fonte de los Cuatro Caños alcuéntrase n'Asturies
Fonte de los Cuatro Caños
Fonte de los Cuatro Caños
Fonte de los Cuatro Caños (Asturies)
Patrimoniu
BIC RI-51-0007347
Cambiar los datos en Wikidata

La fonte de los Cuatro Caños ye una fonte pública urbana asitiada na plaza hómonima de La Corredoria, na parroquia d'Uviéu.

Ye Bien d'Interés Cultural cola categoría de Monumentu dende xineru de 1993.[1][2]

Ye una obra perteneciente a les edificaciones públiques del periodu de la Ilustración n'Asturies. Formaba parte de los elementos complementarios al trazáu de la Carretera de Castiella, como'l cercanu moyón de la media llegua. Esta carretera, que'l so oxetivu yera comunicar Asturies con Lleón y Castiella, foi unu de los proyeutos más importantes del reináu de Carlos IV. Foi proyeutada pol inxenieru Marcos Vierna, siendo diseñáu'l tramu Xixón-Uviéu pol inxenieru José Manuel Palacio San Martín en 1779 y acabáu pol arquiteutu Manuel Reguera en 1794, so la supervisión de Xovellanos.

Anguaño persisten trés caños de los cuatro que tuvo nos sos oríxenes y un llargu pilón de planta semicircular. Nel fuste hai una inscripción en llatín, al rodiu l'añu d'inauguración, responsables, etc, que diz:

CAROLI IV REGIS JU-
SU ET LARGUITIONE
GEGIONENSIS VIA SALIS
VECTIGALIBUS FACTA STRUC-
TI AQUEDUCTUS SALIENTES
ADJUNTI LEONE DE PUGA
FEIJOO ASTURICENSI SENA
TORE COETUS VIARIA PRAESI-
DE CURANTE REGUERA AR-
CHITECTO
ANNO CI(I)CCCXC.

POR MANDATU Y ARROGANCIA DEL REI CARLOS IV
FÍCOSE CON CARGU A LOS IMPUESTU DEL SAL
ESTA CALZADA DE XIXÓN Y CONSTRUYÉRONSE
ESTOS CAÑOS QUE EQUÍ MANEN
SIENDO COMISARIU LEON DE PUGA
FEIJOO, REXIDOR D'ASTURIES
PRESIDENTES DE LA XUNTA DE CAMINOS,
Y SIENDO ARQUITECTU REGUERA
AÑU 1790.

Foi restaurada pol Conceyu d'Uviéu en 1991. El 29 d'ochobre de 2009 el Conseyu de Patrimoniu del Principáu d'Asturies aprobó proteición a la redolada de la fonte y tamién pa otros bienes culturales de La Corredoria, como'l moyón de la media llegua y la Ponte Vieyu ente esta llocalidá y Llugones.[2]​ El resolvimientu de proteición d'estes redolaes foi aprobáu'l 1 de febreru de 2010.[3] El 13 de xunetu de 2019 pela madrugada foi estrozada por un conductor borrachu. [4]

Bibliografía[editar | editar la fonte]

Referencies[editar | editar la fonte]

  1. «DECRETO 86/92, de 30 de xineru, por el que se declara "Bien de Interés Cultural" (Monumento) la Fuente de los Cuatro Caños, en La Corredoria, Oviedo (Asturias)» (en castellán). BOPA 20 de xineru de 1993 (15):  páxs. 371. 
  2. 2,0 2,1 M. P. (30 d'ochobre de 2009). La Nueva España (ed.): «Patrimonio fija un entorno de protección para la fuente de los Cuatro Caños» (castellán). Consultáu'l 2 de payares de 2009.
  3. M. D. D. (2 de febreru de 2010). «Cultura da el paso para la protección de los monumentos de La Corredoria» (español). La Voz de Asturias. Consultáu'l 2 de febreru de 2010.
  4. Lucas Blanco (13 de xunetu de 2019). «Accidente en la fuente de cuatro caños» (castellán). La Nueva España. Consultáu'l 13 de xunetu de 2019.

Enllaces esternos[editar | editar la fonte]