Caños de San Francisco

Caños de San Francisco
	fonte
Llocalización
País	España
Autonomía	Principáu d'Asturies
Provincia	provincia d'Asturies
Conceyu	Avilés
Parroquia	Avilés
Coordenaes	43°33′18″N 5°55′22″W / 43.555°N 5.9228°O
	Caños de San Francisco Caños de San Francisco (Asturies)

La fonte de los Caños de San Francisco ta asitiada na villa asturiana d'Avilés.

Allugada al llau del Palaciu del Marqués de Ferrera y la ilesia de San Nicolás de Bari dientro del conxuntu Histórico-Artísticu tratase d'una obra civil del sieglu XVII.

El so orixe remanez de les obres de canalización de l'agua na villa d'Avilés a fines del sieglu XVI. Estes canalizaciones d'agua sostitúin a les anteriores formaes por meros cauces d'agua albentestate a mou de pequeños regatos pela ciudad que carecía de toa midida hixénica. Nun intentu d'atayar les malures provocaes por esti agua decidese facer la obra qu'encauzaría l'agua pela ciudá y la distribuyiría per un riestru de fontes. D'estes fontes iniciales, la única que perdura ye esta de los caños de San Francisco.

La fonte ta formada por un frontal del que xurden seis tiestes humanes, de cada boca sal l'agua per aciu d'uncañu, que dan a un pilón rectangular nos estremos y ovalada nel centru. Nel frontal, penriba de les tiestes, hai trés escudos heráldicos. A caún de los llaos dos escudos d'Avilés, enriba caún d'una tiesta, y nel centru l'escudu d'armes del Reinu de Castiella.

Referencies[editar | editar la fonte]

Enllaces esternos[editar | editar la fonte]