Foguera de San Xuan

De Uiquipedia
Saltar a: navegación, buscar
Foguera de San Xuan, Galicia

La Foguera de San Xuan ye una fiesta d'orixe paganu que coincide col solsticiu de branu, tratabase de cellebrar el fenómenu astronómicu pa da-y "fuercial al Sol", ya que apartir d'esos díes diben siendo menos les hores de lluz. Tamién tratábase d'allonxar los malos augurios cola quema de coses vieyes, cola llegada del cristianismu punxose'l nome de San Xuan Bautista pa llograr un acercamientu a les cultures paganes.

Anguaño ye una fiesta mui popular tol Mundu anque ye d'orixe européu y cellebrase'l 24 de xunu.

N'Asturies hai gran bayura de ritos rellacionaos con esta folixa: arriendes de la foguerona, alrodiu la que se bailla la danza prima en sen contrariu a les guyes del reló (escontra'l pasáu), y que tien de saltase perriba un númberu impar de vegaes (cuandu te más amatá, claro), l'enrame la fonte pa les xanes, con rames, cuayada (pa que coman los xaninos, pues les xanes nun tienen llechi y en casu de nun tener cuayada recurrirán a cambiar el so fiu por un humanu), una guya (pa que la xana cosa col so filu d'oru) y un tortu, pa que coma. El poner el ramín de trebol nel balcón la namorada ("al coyer el trebole los mios amores van" diz el canciu) COyer la Flor del Agua, el primer agua d'esi riscar, que xeneralmente se coyía de la rosada, nos praos. Intentar aldovinar el futuru con clara de güevu.Recoyer plantes melecinales y/o máxiques que tienen en San Xuan más poder. Y por supuesto, compartir la nueche colos cientos de seres mitolóxicos que pueblen Asturies y qu'esti díe anden sueltos y con más gana xaréu que nunca.