Floriano Vieira Peixoto

De Wikipedia
Saltar a navegación Saltar a la gueta
Floriano Vieira Peixoto
Florianovieirapeixoto.jpg
senador de Brasil

15 payares 1890 -
Distritu: Alagoas
Vicepresidente de Brasil

26 febreru 1891 - 23 payares 1891
Presidente de Brasil

23 payares 1891 - 15 payares 1894
Vida
Nacimientu Maceió30  d'abril de 1839
Nacionalidá Bandera de Brasil Brasil
Fallecimientu

Rio de Janeiro29  de xunetu de 1895

(56 años)
Estudios
Llingües portugués
Oficiu
Oficiu políticu
Serviciu militar
Cuerpu militar Exércitu Brasilano
Graduación Mariscal
Lluchó en Guerra de la Triple Alianza
Cambiar los datos en Wikidata

Floriano Vieira Peixoto (30  d'abril de 1839Maceió - 29  de xunetu de 1895Rio de Janeiro) foi un militar y políticu brasilanu.

Primer Vicepresidente y Segundu Presidente de Brasil, gobernó dende'l 23 de payares de 1891 hasta'l 15 de payares de 1894, d'alcuerdu a la Constitución Federal de 1891.

Biografía[editar | editar la fonte]

De familia probe, foi criáu pol so padrín y tíu, el coronel José Vieira de Araújo Peixoto. Floriano Vieira Peixoto estudió nuna escuela primaria en Maceió, Alagoas, a los 16 años foi a Rio de Janeiro y matriculáu nel Colexu São Pedro de Alcântara.

Ingresó a la Escuela Militar en 1861. En 1863 xubió al grau de teniente primeru, siguiendo la so carrera militar. Floriano yera formáu en Ciencies Físiques y Matemátiques.

Floriano ocupó puestos inferiores nel exércitu hasta la Guerra del Paraguay, cuando llegó al puestu de teniente coronel. Ingresó na política como presidente de la provincia de Mato Grosso, y pasó dellos años como xeneral ayudante del exércitu.

En 1889 asumió la vicepresidencia de Deodoro da Fonseca, y dos años dempués vendría exercer la Xefatura del Estáu sol títulu de "Vice-Presidente de la República de los Estaos Xuníos del Brasil", depués del arrenunciu del mariscal Deodoro.

N'efectu, d'alcuerdu a la Constitución de 1891, ante la vacancia de la Presidencia antes de los 2 años del periodu presidencial, tenía d'efectuase una nueva eleición. Sicasí, Peixoto, quien asumió'l poder tres l'arrenunciu de Fonseca antes de trescurríu un añu del mandatu, sostuvo que conforme a les disposiciones transitories constitucionales diches normes sobre una nueva eleición nun-y yeren aplicables, polo cual desempeñóse nel poder executivo como "Vice-Presidente de la República" hasta'l términu del periodu en 1894.

El llamatu de "mariscal de fierro" yera por cuenta de la so actuación enérxico y dictatorial, pos actuó con determinación al encalorar les socesives rebeliones que marcaron los primeros años de la república de Brasil. Ente estes, la Revuelta de l'Armada na ciudá de Rio de Janeiro, liderada pol almirante Saldanha da Gama, y la Revolución Federalista en Ríu Grande del Sur, que tuvieron sofitu estranxeru. Dempués de la victoria de Floriano sobre esa segunda revuelta, el nome de la ciudá de Nossa Senhora de Desterro, en Santa Catarina, foi camudáu a Florianópolis ("la ciudá de Floriano").

Floriano Peixoto apurrió'l poder el 15 de payares de 1894 a Prudente de Morais, morriendo un añu dempués, na so facienda.

Mandáu[editar | editar la fonte]

El cultu a la so personalidá llamáu florianismo – foi'l precursor de los demás cultos a personalidaes de la política de Brasil (como exemplos, el getulismo, el janismo, el brizolismo, etc) según la tradición d'axuntar corrientes polítiques más en redol a persones qu'a idees.


Predecesor:
Deodoro da Fonseca
Coat of arms of Brazil.svg
Presidente de Brasil

23 de payares 1891 - 15 de payares 1894
Socesor:
 

Referencies[editar | editar la fonte]

Enllaces esternos[editar | editar la fonte]

Floriano Vieira Peixoto