Fiordu de Trondheim

De Wikipedia
Saltar a navegación Saltar a la gueta
Fiordu de Trondheim
Aasenfiord.JPG
Situación
Tipu Fiordu
Coordenaes 63°30′00″N 10°28′00″E / 63.5°N 10.466666666667°E / 63.5; 10.466666666667Coordenaes: 63°30′00″N 10°28′00″E / 63.5°N 10.466666666667°E / 63.5; 10.466666666667
Fiordu de Trondheim is located in Noruega
Fiordu de Trondheim
Fiordu de Trondheim
Fiordu de Trondheim (Noruega)
Datos
Profundidá 617 Q11573
Afluentes
Cambiar los datos en Wikidata
Fosen kart.jpg

El fiordu de Trondheim (en noruegu, Trondheimsfjorden) ye un entrante del mar de Noruega na parte centro occidental de Noruega que, con 130 kilómetros, ye'l tercer fiordu más llargu del país.

Xeografía[editar | editar la fonte]

El fiordu, na parte más ancha al este de Trondheim. Los montes sobre la mariña norte del fiordu tien alredor de 600 m. Korsvika, l'este de Trondheim, vista escontra'l norte.
Faru ya isla Munkholmen nel fiordu de Trondheim.

El fiordu de Trondheim estendese dende'l conceyu de Ørland, nel oeste, escontra'l sureste hasta llegar a la ciudá de Trondheim, y de ende vuélvese escontra'l nordés hasta algamar la ciudá de Steinkjer. Una de les partes más estreches del fiordu, l'estrechu Skarnsund, ta travesáu pola ponte Skarnsund. La parte del fiordu al norte del estrechu conozse como Beitstadfjorden. La mayor fondura ye de 617 m, que se algama en Agdenes.

Les islles más grandes del fiordu son Ytterøy y Tautra; la pequeña Munkholmen alcuéntrase cerca del puertu de Trondheim; hai delles islles na entrada del fiordu.

La principal ciudá nel fiordu ye Trondheim, con 170 936 hab. (2010). Tamién destaquen Stjørdal (20 616 hab. en 2008), Levanger (18 355 hab. en 2008) y Steinkjer (20 672 hab. en 2008) y Verdal (14 210 hab. en 2008), que s'atopen na mariña esti y nordés del fiordu. La pequeña llocalidá de Rissa (6384 hab. en 2004) ta asitiada na entrada del fiordu.

La parte principal del fiordu de Trondheim ta xelu llibre mientres tol añu, y namái el Verrasundet, una llarga y estrecha caña del fiordu en partir norte, puede quedar cubierta de xelu gran parte del iviernu. El Beitstadfjorden tamién puede conxelase pel hibiernu, pero namái por un par de selmanes.

Actividá económica[editar | editar la fonte]

Aker Verdal, en Verdal, produz grandes plataformes petrolíferes pal sector del petroleu. Un estelleru de Rissa completó'l luxosu cruceru-residencial The World. En Fiborgtangen, una península de la mariña oriental del fiordu, hai una gran fábrica de papel propiedad de Norske Skog .

Vida marina[editar | editar la fonte]

El fiordu de Trondheim tien una rica vida marina, con especies tantu del sur como del norte: siquier, 90 especies de pexes fueron reparaes y el fiordu tien la mayor producción biolóxica ente los fiordos de Noruega.[1] Nos últimos años, n'agües fondes, fueron afayaos nel fiordu corales (Lophelia pertusa), non llueñe de la ciudá de Trondheim. Dellos de los meyores ríos salmoneros de Noruega desaguan nel fiordu de Trondheim, ente ellos el Gaula (en Melhus xustu al sur de Trondheim), Orkla (en Orkdal), Stjørdalselva (en Stjørdal) y Verdalselva (en Verdal).

Les tierres baxes al este y al sur del fiordu representen una de les meyores árees agrícoles de Noruega. La península Fosen, más accidentada y montascosa, asitiase al oeste y noroeste, apurriendo abelugu de los vientu comunes a les zones costeres.

Historia[editar | editar la fonte]

El fiordu de Trondheim foi una importante ruta navegable en dómina viquinga, y entá sigui siéndolo anguaño. En 1888, un ábanu submarín de folla causó un tsunami que mató a una persona en Trondheim y el frayatu de tres llinies de ferrocarril.

Notas[editar | editar la fonte]

  1. Mork, J. Fisk og fiskerier i Trondheimsfjorden, Tapir Forlag, 110-132.

Enllaces esternos[editar | editar la fonte]