Fiestes de San Mateo (Uviéu)

De Wikipedia
Saltar a navegación Saltar a la gueta
Les paxarines son un amuletu escontra les tormentes. Mérquense'l día de San Mateo y dan proteición hasta'l añu siguiente.

Les Fiestes de San Mateo de la ciudá asturiana d'Uviéu (España) tienen llugar na selmana natural que engloba el día 21 de setiembre, día que'l santoral católicu dedica al apóstol. A pesar de la creencia popular, San Mateo nun ye'l patrón de la ciudá, sinón que lo ye San Salvador.[1]

El día grande de les fiestes ye'l día 21, nel que los ciudadanos y visitantes suelen comer nos parques y zones verdes de la ciudá'l bollu preñáu al pie de una botella de sidra. La nueche anterior lláncense los fueos artificiales dende'l Parque d'Iviernu, acontecimientu qu'axunta a una gran ensame. Sicasí, hai fiesta mientres tola selmana; el nucleu de la nueche son los chiringos que s'instalen na zona antigua de la ciudá. Hai conciertos tolos díes, (hasta 2013 gratuitos y na Plaza de la Catedral) en La Ería y tamién partíos pela ciudá según l'estilu musical.

Referencies[editar | editar la fonte]

  1. Conceyu d'Uviéu. «Fiestas de San Mateo» (español). Consultáu'l 30 de xineru de 2018.

Enllaces esternos[editar | editar la fonte]