Fiestes de San Blas y Santa Águeda (Mequinenza)

De Wikipedia

Les Fiestes de San Blas y Santa Águeda ye una celebración del conceyu de Mequinenza na provincia de Zaragoza, comunidá autónoma d'Aragón que consiste nuna festividá que forma parte de la tradición histórica de la llocalidá pola so antigüedá y continuidá al traviés del tiempu y pola orixinalidá y diversidá de los sos actos, convirtiéndose nun fenómenu turísticu con gran atraición de visitantes. Hai constancia de más de 300 años de celebración, con una activa participación de la población local tantu nes celebraciones relixoses como festives. Éstes fiestes inclúin actos singulares como la entrega del cayáu de mandu, los concursos d'amarutes (tanto infantil como d'adultos) según la ellaboración de la coca" y el "pa beneït". Tienen llugar mientres la primera quincena de febreru, tán consideraes como les fiestes d'iviernu de la llocalidá y dende 2018 gocien de la reconocencia de Fiestes d'Interés Turísticu d'Aragón.[1][2]

Orixe y hestoria[editar | editar la fonte]

Esiste constancia de siquier trés sieglos de celebración de San Blas y Santa Águeda en Mequinenza, una tradición que s'acentuó cuando, cola construcción del banzáu de Riba-roja nos años 70, el Pueblu Viejo quedó sol ríu Ebro y el nucleu urbanu de la llocalidá túvose que treslladar al so actual allugamientu a pocos quilómetros agües arriba, a veres del ríu Segre. Históricamente, la procesión de San Blas corría al cargu de los homes y la de Santa Águeda a les muyeres, pero la evolución natural de la tradición traxo que na actualidá les Comisiones de San Blas y Santa Águeda tean puramente formaes por muyeres qu'adquieren un protagonismu especial mientres los díes de celebración. San Blas y Santa Águeda tomaron relevancia mientres el franquismu, yá que magar taba prohibíu amarutase, Mequinenza siguió desafiando la prohibición impuesta poles autoridaes, un fechu que fomentó inda más l'enraigono popular y el calter singular de la tradición.

Festividá[editar | editar la fonte]

La festividá empieza cola entrega del Cayáu de Mandu a les Comisiones de San Blas y Santa Águeda, para siguir el día 3 de febreru coles celebraciones relixoses de San Blas y el día 5 coles de Santa Águeda. La xornada conclúi colos conocíos concursos d'amarutes artesanales para pequeños y mayores, al empar que diverses y coloridas rúas percuerren la población acompañaes de música en directu. Mientres les celebraciones ellaboren coques”, un dulce típicu tradicional a base d'aceite, farina y agua, y se añade un ingrediente secretu que conoz namái la Comisión. El procesu d'ellaboración de “coques” se tresmitie de xeneración en xeneración al traviés de les integrantes de la Comisión de San Blas y Santa Águeda.

Tradición, fiesta y color se unen mientres les fiestes, enllenando la población mientres estos díes de visitantes nacionales y estranxeros atraíos pola gran espectacularidá de amarutes fechos a mano. Los grupos desfilen poles cais de la llocalidá amarutaos con paxellos de personaxes históricos, imaxinarios o de ficción a ritmu de músiques variaes. Los trabayos d'ellaboración de amarutes empecípiense meses antes de la festividá con un intensu trabayu fechu dafechu a mano, frutu de la creatividá y l'inxeniu nel que s'implica tola población. La festividá de San Blas y Santa Águeda ye la espresión del esfuerciu coleutivu y la espresión artística de tola población de Mequinenza, según una seña d'identidá y referente en tola Comarca del Bajo/Baix Cinca.

Referencies[editar | editar la fonte]

  1. ↑ «Las fiestas de San Blas y Santa Águeda de Mequinenza, declaradas de Interés Turístico» (castellanu). heraldo.es. Consultáu'l 2020-01-07.
  2. ↑ «Las Fiestas de San Blas y Santa Águeda de Mequinenza se presentan en FITUR como Fiesta de Interés Turístico de Aragón» (castellanu). Museos de Mequinenza (2019-01-25). Consultáu'l 2020-01-07.

Enllaces esternos[editar | editar la fonte]

Sacáu de «https://ast.wikipedia.org/w/index.php?title=Fiestes_de_San_Blas_y_Santa_Águeda_(Mequinenza)&oldid=4160762»