Fiesta de Los Humanitarios

De Wikipedia
Saltar a navegación Saltar a la gueta

La Fiesta de los humanitarios de Sanmartín ye una fiesta que se celebra cada 11 de payares en Morea, nel conceyu d'Ayer.

Descripción[editar | editar la fonte]

Básicamente, la fiesta consiste nuna Misa cantada con acompañamientu de gaita, tres de la que se celebra un desfile con carroces, onde los participantes van ataviaos con traxes tradicionales.

Los Humanitarios ye una asociación de calter gastronómicu qu'empobina la fiesta del mesmu nome dende va casique un sieglu.

Nel día de la fiesta ye vezu comer un menú típicu de fabada asturiana (fabes, tocín, chorizu y morciella), y como postre casadielles y panchón. Esti últimu, ye un duce típicu d'Ayer, fechu con miges de pan d'escanda y mantega.