Fido Dido

De Wikipedia
Saltar a navegación Saltar a la gueta
Fido Dido
Información
Sexu masculín
[editar datos en Wikidata]

Fido Dido foi un personaxe publicitariu utilizáu por 7 Up y creáu por Joanna Ferrone y Sue Rose.

Historia[editar | editar la fonte]

El personaxe acomuñáu a 7 Up foi creáu en 1985, por Joanna Ferrone y Sue Rose. Primeramente Rose creó'l personaxe nuna servilleta d'un restorán. Más tarde estamparon a Fido nuna camiseta col lema "Fido ye pa Fido, Fido nun ta en contra de naide". Eses camisetes fueron bien populares en Nueva York.

Mientres la década de los 80 esti personaxe publicitariu foi adquiríu pola empresa PepsiCo, pero'l so usu nesos años foi escasu.

A partir de la década de los 90 la so popularidá aumentó considerablemente. PepsiCo amontó considerablemente'l so usu, pero amás la imaxe del personaxe espandióse. En 1993 foi creáu un videoxuegu de Fido Dido pa la consola Sega Mega Drive, pero depués foi escaecíu por cuenta de lo xenérico del so diseñu.

Fido Dido nun mural cola publicidá de 7 Up.

Volvió sumir por un tiempu, pero en 2004 retornó con una animación 3D y apaeció en dellos comerciales de 7 Up. Ver al popular personaxe nuna publicidá llamada "Uphill", nuna llamada "Mirror" y otra llamada "Beach" de 7 Up Ice. En 2006 volvió a les botelles de 7 Up.

En 2011 7 Up sufre un importante cambéu d'imaxe, que deriva en que Fido Dido fora quitáu de les sos publicidaes indefinidamente. En 2015, Fido Dido vuelve faer la so apaición dende xunu nes llates 7 Up promocionales Vintage de la bébora.

Enllaces esternos[editar | editar la fonte]



Fido Dido