Ferviatu

De Uiquipedia
Saltar a: navegación, buscar
Uiquipedia:Llista d'artículos que toa Wikipedia tien que tener
Ferviatu de Té verde.

Un ferviatu, ye una bebida obtenida de les fueyes seques, partes de les flores o de los frutos de delles yerbes arumátiques, a les que se-yos mesta, o se-yos mete n'agua calecío, pero ensin llegar a ferver.

Si l'agua fierve, considérase cocción, fervinchu o ferviellu y suelen ser tamién de calter melecinable. Un fervinchu abondo conocíu, ye'l fechu con vinu o lleche caliente con azucre requemao, miel y untu que se toma pa sanar el catarru.

Hestoria[editar | editar la fonte]

El café entró na nuesa hestoria al traviés del mundu árabe. Parez demostrao que les tribus nómades d'Etiopía y Arabia, (au el "cafetu" xorrez montés), yá lu consumíen, magar que nun lo tomaben bebíu, sinon que mayábenlu y mecíenlu con grasa, faciendo unes boles que comíen nos viaxes.

Los ferviatos más comunes son: Café, Mate (70 a 80 °C), y Mazaniella, Tila.

Aceición Física[editar | editar la fonte]

En física, denómase asina a l'aición d'estrayer d'un productu, mestura o solución (tanto como al productu estrayíu) les partes solubles n'agua a una temperatura mayor a l'ambiente, y menor a la de fervor.

Aceición en melecina[editar | editar la fonte]

Un ferviatu ye una disolución cuyu oxetivu clínicu próximu consiste en ser inyectáu en dalgún compartimenuo corporal, ceneralmente el torrente circulatoriu venosu, en cuyu casu denómase ferviatu intravenosu (IV) o endovenosu (EV). Pero, nel casu de que'l compartimentu fore la lluz del tubu dixestivu y esi ferviatu fore introducíu pola boca, talu ferviatu débase denomar ferviatu oral, por exemplu, un ferviatu de té.

Ordinariamente los ferviatos son disoluciones acuoses de dalgún sollutu, ello ye, el resultáu de dilir un solutu n'agua pero ensin qu'ésto contenga solutu sobrenadando, depositáu nel fondu del recipiente o flotando en dalgún puntu de la masa de disolvente. El solutu sedrá siempres la sustancia que va ser disuelta nel diluyente. Son posibles disoluciones con disolventes distintos al agua, por exemplu, alcohol o dalgún llíquidu oleosu y el solutu pue ser materia sólida como, por exemplu, sal común, gaseosu como, por exemplu, anhídridu carbónico inyectao a presión o una sustancia llíquida como, por exemplu, ácidu acético.

Enllaces esternos[editar | editar la fonte]