Feromona

De Wikipedia
Saltar a navegación Saltar a la gueta
Bombykol (feromona del Bombyx mori).

Les feromones son sustances químiques secretadas polos seres vivos, col fin de provocar comportamientos específicos n'otros individuos de la mesma especie. Son un mediu de tresmisión de señales que pueden ser tantu volátiles como non volátiles. En casu de molécules pa la comunicación interespecífica utilízase'l términu alelomones.

Munches especies de plantes y animales utilicen distintos arumes o mensaxes químicos como medio de comunicación y casi toes unvien unu o dellos códigos por esti mediu, tanto p'atraese o refugase sexualmente como pa otros fines. Delles caparines, como los machos de Saturnia pyri, son capaces de detectar el golor de la fema a 20 km de distancia.

El términu feromona foi acuñáu a finales de la década de 1950, a partir de los raigaños griegos φέρω, ‘llevar’, y ὁρμόνη, ‘estímulu, hormona’.

N'abeyes[editar | editar la fonte]

Les feromones nes abeyes doméstiques son producíes en glándules especiales y actúen al traviés del olfatu por riegla xeneral. Les abeyes obreres tamién les tienen. Son especialmente conocíes les glándules de Nasonov, sol abdome, qu'emiten les feromones d'alarma. Espárdenles llevantando l'abdome y batiendo les nales.

Delles feromones pueden funcionar por intercambiu oral. La reina emplégales pa controlar a les obreres y, nel esnalu nupcial, p'atrayer a los machos. Aguiya l'agregamientu nos ensames, torga la construcción de celdes realeras, tresmite la so presencia, lo que caltien la tranquilidá del truébanu, promueve la recueya de néctar.

Hai feromones producíes per glándules mandibulares que trescalen el cuerpu y son recoyíes poles obreres cola llingua, y asina les tresmiten pa xeneralizar la conocencia de que la reina ta presente.

Les feromones que faen la construcción de nueves celdes realeras (les que sirven para criar nueves reines) son producíes en glándules tarsales (nes pates).

En formigues[editar | editar la fonte]

Les formigues son artrópodos de la familia Formicidae qu'usen les feromones como señal de reclutamientu, reconocencia, territorialidá y alarma.[1]

En vierme de seda[editar | editar la fonte]

El so nome ye bombicol, una de les feromones más estudiaes, producida pola fema de la polilla del vierme de seda, con cantidaes bien pequeñes d'ella ye posible atraer a los machos a más de 1 km. Los científicos tán interesaos en sintetizala como alternativa a los pesticidas, pos usándola como trampa se podría aisllar a los machos o lliberándola al campu evitar l'alcuentru de machos y femes, atayando asina'l ciclu reproductivu.[2]

En mures[editar | editar la fonte]

Foi demostráu en llaboratorios que, en delles femes de royedores, el solu fechu de goler les feromones d'un machu distintu del que les fecundó, inclusive indirectamente al traviés de la so orina o'l golor del so llechu, ye capaz d'induci-yos albuertos. Esto conozse como efeutu Bruce, por H. M. Bruce, quien lo afayó en 1959.[3]

N'humanos[editar | editar la fonte]

Hai estudios científicos que señalen la posible esistencia de feromones nos humanos.[4][5][6] Aun así, estos estudios siguen siendo suxetos a alderique pola so metodoloxía y poles sos conclusiones poco determinantes.[7][8] Anguaño nun esiste un consensu definitivu dientro de la comunidá científica sobre la esistencia de feromones humanes.

Referencies[editar | editar la fonte]

  1. Jackson B.D & Morgan E.D (1993). «Insect chemical communication: pheromones and exocrine glands of ants.». Chemoecology 4:  pp. 125-144.. 
  2. (2013) Química general, orgánica y biológica. Estructuras de vida. Pearson Educación de México. ISBN 978-607-32-2034-7.
  3. «El Efecto Bruce». DatosFreak.org. Consultáu'l 13 d'abril de 2010.
  4. «University of Chicago researchers establish proof of human pheromones». Universidad de Chicago (11 de marzo de 1998).
  5. «SFSU study shows that synthetic pheromones in women's perfume increase intimate contact with men». Universidad de San Francisco, California (20 de marzo de 2002).
  6. Nicholas Wade (10 de mayo de 2005). «For Gay Men, Different Scent Of Attraction». The New York Times.
  7. Anders Winman (2004). «Do perfume additives termed human pheromones warrant being termed pheromones?». Physiology & Behavior 82 (4):  pp. 697-701. doi:10.1016/j.physbeh.2004.06.006. PMID 15327919. 
  8. Charles J. Wysocki, George Preti (1998). «Pheromonal Influences». Archives of Sexual Behavior 27 (6):  pp. 627-641. doi:10.1023/A:1018729302720. PMID 9883309.