Fernando Poo

De Wikipedia
Saltar a: navegación, buscar

Fernando Poo foi una colonia y, darréu, provincia española n'África (1959-1968), Rexón Ecuatorial Española conocida como Guinea Española.

La so capital foi la ciudá de Santa Isabel de Fernando Poo (l'actual Malabo) onde tenía la so sede la Diputación Provincial de Fernando Poo.

Xeografía[editar | editar la fonte]

Tien una superficie de 2.034 km². y entendía les islles de Fernando Poo (2.017 km²) y Annobón (17 km²).

En 1959 los territorios españoles del golfu de Guinea adquirieron l'estatus de provincies españoles. Les primeres eleiciones llocales celebráronse esi mesmu añu, y escoyéronse los primeros procuradores guineanos nes Cortes Españoles.

Hestoria[editar | editar la fonte]

Escudu de la ciudá de Santa Isabel, actual Malabo (Antigua Guinea Española).

En 1956 los territorios españoles del Golfu de Guinea pasen a ser Provincia española del Golfu de Guinea. Pola llei 46/59, de 30 de xunetu, la Provincia Española del Golfu de Guinea, conviértese en dos provincies; la Provincia de Fernando Poo y la Provincia de Río Muni.

El 1 de setiembre de 1960 quedó constituyida na ciudá de Santa Isabel de Fernando Poo la Diputación Provincial de Fernando Poo que'l so primer (pero non únicu) gobernador foi Alzina de Bochi.[1]

El 9 d'agostu de 1963 el conseyu de Ministros celebráu so la presidencia de Francisco Franco resuelve conceder autonomía económicu-alministrativa a les provincies españoles del Golfu de Guinea. El 15 d'avientu apruébase'l referéndum en Guinea sobre'l proyectu d'Autonomía pol que'l territoriu pasa a tomar el nome de Guinea Ecuatorial y tres el que, por decretu de 3 de xunetu de 1964 concédese autonomía a les provincies; la so alministración constaba d'un conseyu de Gobiernu, compuestu d'ocho conseyeros y un Presidente, una Asamblea Lexislativa, dos diputaciones Provinciales y dos Gobiernos civiles con una máxima duración de cuatro años. El máximu representante del gobiernu español, Pedro Latorre Alcubierre, qu'enantes yera'l Gobernador xeneral pasó a ser Comisariu Xeneral y foi la postrera alta autoridá colonial en Guinea.[2]

El 3 d'ochobre de 1967 escoyóse procurador nes Cortes Españoles en representación de la Diputación el so presidente Enrique Gori Molubela.[3]

Alministración[editar | editar la fonte]

Nacionalidá española[editar | editar la fonte]

Tolos habitantes nativos d'esta provincia recibíen el Documentu Nacional d'Identidá (DNI) y el pasaporte español, xuntu col llibru de familia, y tolos documentos correspondientes.

Matriculación de vehículos[editar | editar la fonte]

El prefixu de la matrícula de la provincia yera FP, afitáu per aciu la Orde de 20 de xunu de 1961, que foi anulada por Orde de 17 de marzu de 1969.[4] Enantes el prefixu foi TEG (Territorios Españoles del Golfu de Guinea), afitáu per aciu la orde de 30 de setiembre de 1929, territorios que s'estremaron en dos provincies por Llei de 29 de xunetu de 1959.

Referencies[editar | editar la fonte]