Federico Krutwig

De Wikipedia
Saltar a navegación Saltar a la gueta
Federico Krutwig
Federiko Krutwig euskaltzaina 1989an.jpg
Vida
Nacimientu Getxo15  de mayu de 1921
Nacionalidá Bandera d'España España
Fallecimientu Bilbao15 de payares de 1998 (77 años)
Estudios
Llingües alemán
vascu
griegu
castellanu
francés
portugués
Oficiu
Oficiu escritor, políticu y académicu
Miembru de Euskaltzaindia
Euskadi Ta Askatasuna
Alcuñu/os Fernando Sarrailh de Ihartza y Heiko Sagredo de Ihartza
Cambiar los datos en Wikidata

Federico Krutwig Sagredo (Getxo, 15 de mayu de 1921 - Bilbao, 15 de payares de 1998) foi un políticu y escritor español. El so padre yera alemán, y la so madre una vizcaina d'orixe venecianon. Aprendió euskera de forma autodidacta y en 1943 ingresa na Real Academia de la Llingua Vasca pa revitalizar la llingua vasca. Propunxo la unificación lliteraria del euskera basándose nel labortanu del sieglu XVII.

En 1952, en pronunciando'l discursu de recibimientu al ingresu de Luis Villasante na Real Academia de la Llingua Vasca y criticar l'actitú de la ilesia cola llingua vasca, tien de partir al esiliu. En San Juan de Lluz contauta con persones del movimientu Jagi-Jagi. En 1963, sol seudónimu de Fernando Sarrailh de Ihartza, edita'l llibru Vasconia, onde pon en cuestionamiento dellos aspeutos del nacionalismu tradicional de Sabín Arana y propón un nuevu nacionalismu vascu. De primeres proponía, xuntu col so amigu Félix Likiniano, una especie d'anarcoindependentismo qu'estableciera una fusión ente la esquierda abertzale y l'anarquismu, anque tuvo una mínima acoyida; dempués formó parte de los simpatizantes del híbridu del anarquismu col marxismu heterodoxu más conocíu como movimientu autónomu.

Rematada la Guerra Civil Española, intentó formar una fuercia de resistencia anarquista contra'l franquismu. Más palantre empieza a collaborar con ex militantes d'EGI y a teorizar l'usu un frente cultural en vegada uso la llucha armada. En 1964 ye espulsáu de Francia por faer conocer la etnia Vasconia de los vasconos yera preindoeuropea y por tanto antes esistiera Francia ya instálase en Bruxeles (Bélxica), onde empieza a rellacionase con miembros d'ETA y ellabora unos informes culturales pa la V Asamblea d'esta organización. En 1975 abandona ETA y establez la so residencia en Zarauz, dedicándose a partir d'entós a la producción lliteraria puramente.

Publicó obres como Vasconia (1963), La cuestión vasca (1965) (ensayu escritu por encargu del Partíu Comunista d'España) o Garaldea (1978), onde señala un supuestu orixe común de los vascos colos guanches (les poblaciones prehispániques de Canaries). La so última obra foi Los xitanos vascos (1986). Va Crear l'asociación Jakintza Baitha, dende la que se van tratar temes referentas a la cultura griega clásica, y va editar Ferre: Revista de Cultura Griega.

Ver tamién[editar | editar la fonte]

Referencies[editar | editar la fonte]

Enllaces esternos[editar | editar la fonte]




Federico Krutwig