Federico Fierro Botas

De Wikipedia
Saltar a: navegación, buscar

Federico González-Fierro Botas (Uviéu, 30 de payares de 1942; Vladivostok - Rusia, 26 de xunu de 2002) nació n'Uviéu, sacerdote miembru de la Compañía de Xesús, cursó los sos estudios nel Institutu de Bachilleratu Alfonsu II, diplomóse en Llingües Clásiques (Llatín y Griegu) doctor en Teoloxía, doctoráu en Ciencies Polítiques y Socioloxía cola tesis doctoral espublizada col títulu “La formación sindical impartida por Centrales representativas en España, 1976-1992”. Llicenciáu n'Hestoria siendo profesor d'Historia social. Fierro Botas foi espertu en llingua y lliteratura ruses y profesor visitante en delles universidaes de l’antigua Xunión Soviética y de l’actual Federación Rusa.

Foi cura obreru nos años 60 y 70 del sieglu XX, trabayando d'empleáu manual de fábriques, carteru y otros en Cataluña, Galicia y per Europa. Nesi tiempu entra en contactu col sindicalismu clandestín antifranquista y collabora con delles organizaciones obreres, sobremanera en materia de formación de los sos militantes. En 1996, fai un manual de formación sindical, entamáu nos sos años de cooperación coles organizaciones obreres antifranquistes. Viaxa en numberoses ocasiones a la Xunión Soviética onde surde'l so interés pola cultura rusa. Destináu pola so orde a Xixón trabaya como profesor na Fundación Revillaxixéu, onde llegará ser el xefe d'estudios y onde inxertará nel curriculu del centru educativu Llingua y Cultura Asturiana.

Federico Fierro ye miembru fundador del Coleutivu Manuel Fernández de Castro, plataforma qu'agrupa a sacerdotes favorables a la normalización de la llingua asturiana y de la que sedrá presidente ente 1988-2002. Dende esta asociación publica xunta col tamién sacerdote Alexandru Rodríguez Alonso la torna al asturianu de la Lliturxa Católica y otres obres del mesmu calter. Ye cotraductor del Evanxeliu de San Lluques a la nuestra llingua. En 1991 fexo una versión n'asturiano de les Poesíes Líriques del rusu Alexander Pushkin. Asinamesmo, collabora dende'l primer momentu cola Sociedá Bíblica Internacional nel so proyectu de torna al idioma asturianu de los distintos llibros de les Sagraes Escritures.

Col estudiu “Reflexión ético-política ante o referéndum do Estatuto de Autonomía para Galicia”, espublizáu na revista “Encrucillada” nel 1980 recibe’l XXIII Premiu periodísticu Fernández Latorre” de “La Voz de Galicia”.

Foi Asesor de “Xusticia y Paz d'Asturies” dende 1985 y tamién Cordinador de la Vicaría Xeneral del Arzobispáu d'Uviéu pa les traducciones bíblico-llitúrxiques al asturianu 1988-2002 y patronu de la Fundación Caveda y Nava nel 2002 añu nel que morría a los 59 años nun acidente de tráficu en Vladivostok(Rusia) el 26 xunu d'esi mesmu añu.

L'Academia de la Llingua Asturiana convoca'l Concursu de recoyida de material lliterario escrito Federico Fierro G.-Botas, mientres que'l Conceyu de Xixón convoca añalmente dende 2008'l Premiu Federico G. Fierro Botas d'ensayu y trabayos d'investigación.

Ver tamién[editar | editar la fonte]

Bibliografía[editar | editar la fonte]

  • Ensayu

La formación sindical impartida por centrales representativas en España (1976-1992) / Federico G.-Fierro Botas. -- Madrid : M.L., 1997. ISBN 84-605-5899-1

  • Torna

Púxkin, Alexandru Sergueevich. Poesíes llíriques / versión billingüe y traducción dende los orixinales rusos, escoyeta, entamu y notes por Federico G.-Fierro Botas. -- Uviéu : Academia de la Llingua Asturiana, 1991. ISBN 84-86936-48-9

  • Ilésia Católica

Lliturxa católica / traducción dende los orixinales llatinos vaticanos por Federico G.-Fierro Botas, Alexandru Rodríguez Alonso. -- Xixón : Alborá, 1991.ISBN 84-87562-07-8

Oraciones, bendiciones, pidimientos y cancios relixosos n'asturianu / Federico G.-Fierro Botas, Alexandru Rodríguez Alonso. -- Xixón : Alborá Llibros, 1993.DL AS 1239-1993. -- ISBN 84-87562-09-4

Homilíes : domingos y festividaes del añu de los ciclos llitúrxicos A,B,C, sacramentos y esequies / coordinador de la traducción y revisor xeneral del testu, Federico G.-Fierro Botas. -- Uviéu : Coleutivu Manuel Fernández de Castro, 1995. ISBN 84-605-3961-X

Lleicionariu de la lliturxa de los domingos y festividaes de los ciclos: A,B,C : sacramentos y esequies / coordinador de la traducción y revisor xeneral del testu, Federico G.-Fierro Botas. -- Uviéu : Coleutivu "Manuel Fernández de Castro", 1997. ISBN 84-922628-0-X