El Fary

De Wikipedia
(Redirixío dende Fary)
El Fary
Vida
Nacimientu Madrid20 d'agostu de 1937[1]
Nacionalidá España
Muerte Madrid19 de xunu de 2007[2] (69 años)
Sepultura cementeriu de La Almudena
Causa de la muerte cáncanu de pulmón
Estudios
Llingües falaes castellanu
Oficiu cantanteactor de cine
Altor 1,55 m
Instrumentu musical voz
Discográfica Ariola
IMDb nm0268618
Cambiar los datos en Wikidata

Jose Luis Cantero, ñació'l 20 d'agostu de 1937 en Madrid, morrió'l 19 de xunu de 2007, en Madrid (España), conocíu profesionalmente como El Fary, yera un actor y cantante español.

El más mozu de seis hermanos, Cantero ñació nuna familia humilde nel barriu de Las Ventas en Madrid, cerca de la plaza de toros. De guaḥe nun pasaba pola escuela, prefiriendo pasar el tiempu imitando al su ídolu, el cantante de copla Rafael Farina. De Farina vien el nome d'El Fary.

Enantes de triunfar, El Fary trabayó de xardineru y taxista pa xuntar les perres que-y valieron pa grabar los primeros cancios. Cundo tuvo editaos y grabaos los discos, dizse, qu'él mesmu vendíalos nel rastru de Madrid. Daquella tamién participaba en competiciones de cantantes na radiu y actuaba en fiestes llocales. Foi a partir de los 30 cuando El Fary pudo sacar unes perres como cantante cuando llamaronlo de Córdoba (España) pa cubrir a otru cantante. Más tarde, el llexendariu Antonio Molina contratólu pa una xira de dos meses.

Nos años 1970 la copla cayó en desgracia col públicu español, pero eso nun quito-y l'animu a El Fary y p'haza fines de la década taba grabando cancios más poperes que subieren a les llistes d'ésitos españoles.

Nos años 1990 El Fary algamó l'ésitu nel mundu de la televisión, cuando protagonizara la serie Menudo es mi padre nel papel d'un taxista. El papel fizose a midía pa él,yá que na so vida tamién foi taxista. Incluso'l títulu de la serie yera un xuegu de pallabres cola estatura d'El Fary.

Durante esta época salieron rumores al rodiu de la drogadicción del so fiu y el maltratu a la so muyer. A pesar de que'l sensacionalismu de la so vida privada pudo ser desagradable, fizu tamién que El Fary aguantase más tiempu na memoria del públicu.

Finando la década la so carrera garró otra vegada un nuevu impulsu cuando'l direutor de cine Santiago Segura estrenó la comedia Torrente: El brazo tonto de la ley. El protagonista, Jose Luis Torrente (papel interpretáu pol mesmu Santiago Segura), ye un policía maleducáu, racista, misóxinu y corruptu que ye fan d'El Fary. El canciu principal de la película, Apatrullando la ciudad, taba canciao por El Fary. El canciu y especialmente la película tuvieren munchu exitu, talo foi asina que llevara a grabar dos secueles.

Coincidiendo col estrenu de la tercera película de Torrente nel 2005 - Torrente 3: El Proteutor - comercializóse una pieza de merchandising única: el Carrofary, un muñecu de goma cola forma d'El Fary diseñada pa colgala del espeyu retrovisor del coche.

Referencies[editar | editar la fonte]

  1. Afirmao en: Find a Grave. Identificador Find a Grave: 19969788. Apaez como: José Luis Cantero. Data de consulta: 9 ochobre 2017. Llingua de la obra o nome: inglés.
  2. URL de la referencia: http://www.typicallyspanish.com/news/publish/article_11044.shtml. Direición web d'archivu: https://web.archive.org/web/20070714125603/http://www.typicallyspanish.com:80/news/publish/article_11044.shtml.

Enllaces esternos[editar | editar la fonte]

  • Club de fans del Fary