Faru de San Agustín

De Wikipedia
(Redirixío dende Faru San Agustín)
Saltar a navegación Saltar a la gueta
Faru de San Agustín
Faro de Cabo San Agustín.jpg
Alministración
Allugáu en Cabu de San Agustín (Cuaña)
Entidá alministrativa Ortigueira
Estáu Flag of Spain.svg España
Coordenaes 43°33′50″N 6°44′02″O / 43.56389°N 6.73389°O / 43.56389; -6.73389Coordenaes: 43°33′50″N 6°44′02″O / 43.56389°N 6.73389°O / 43.56389; -6.73389
Cuerpu d'agua Océanu Atlánticu
Inauguración 1945
Alministráu por Autoridá Portuaria d'Avilés
Información téunica
Orde
Altor 25 metros
Altor focal 72 metros
Alcance 25 milles náutiques
Lluz carauterístico L 6 oc 2 L 2 oc 2
Carauterístiques de la lluz

Óptica catadióptrica allumada por una llámpara de 1.500 W, con reserva de gas acetilenu.

  • Planu focal sobro'l ras mediu de la mar: 82 m
  • Planu focal sobro'l tarrén: 20 m
  • Algame con bon tiempu: 26 milles
  • Algame con burriana: 12 milles
  • Rellumos: Grupos de dos ocultaciones cada 12 segundos
Señales sonores Non
Cambiar los datos en Wikidata

El faru del cabu San Agustín s'asitia nel cabu del mesmu nome, nel barriu d'El Cierro del pueblu d'Ortigueira, nel conceyu asturianu de Cuaña. Dende ellí domina la oriella occidental de la ría de Navia. Ye de tercer orden y, igual que tolos que s'asitien ente'l cabu Peñes y la llende con Galicia, depende pal so control y mantenimientu de l'Autoridá Portuaria d'Avilés.

Construyóse en 1973 pa cubrir el cachu de costa que quedaba en solombres ente los de Ḷḷuarca y Tapia. Ta unos metros per detrás d'una baliza troncocónica que señalizaba dende 1945 la entrada del puertu d'Ortigueira y qu'entá se conserva. Esta tien namái 5,6 m d'altor y ye de piedra, con un escañu, tamién de piedra, na base. La llinterna, que nun se conserva, yera de carburu, de la compañía AGA, y se prendía sola gracies al mecanismu conocíu como válvula solar o lluz de Dalén. La so lluz podía vese dende 10 milles. Apegada a ella pela parte más septentrional hai una campana pa facer señales sonores en tiempu de burriana.

El faru modernu tien una torre cilíndrica fecha de formigón, de 3 m de diámetru y 20 m d'altor. La base tien un diámetru mayor, y nella tán la sala de máquines, un almacén y la entrada de la escalera que lleva a la llinterna. La torre ta pintada con bandes grueses de colores blancu y prietu, y tien dos balconinos na parte superior. La llinterna, de 2,25 m de diámetru, ye de color gris, y ta rematada por una cubierta opaca con pararrayos y veleta. La óptica tien una distancia focal de 400 mm, y concentra la lluz d'una llámpara de 1.500 W. Cuando s'estropia esta salta automáticamente la de reserva, que ye de carburu.

A la vera'l faru atopamos la ermita de San Agustín, llevantada nel sieglu XVII y remocicada delles veces.

Bibliografía[editar | editar la fonte]

  • Menéndez Solar, Belén, Faros del litoral asturiano. Uviéu, Conseyería de Fomentu del Principáu d'Asturies, 1997.
  • Sanz, Eduardo, Faros de Asturias. Xixón, Silverio Cañada Editor, 1990.

Enllaces esternos[editar | editar la fonte]

Faros d'Asturies
Tapia | San Agustín | Ḷḷuarca | Bustu | Vidíu | Cuideiru | San Esteban | San Xuan | Peñes | Candás | Torres | Tazones | Llastres | Ribeseya | Llanes | Santumedé