Fairchild Channel F

De Wikipedia
Saltar a navegación Saltar a la gueta
Fairchild Channel F.
Grandstand-video-entertainment-computer-pcb.jpg

The Fairchild Channel F ye una consola de videoxuegos publicada por Fairchild Semiconductor n'agostu de 1976, el so preciu de vientes foi de $169.95. Primeramente foi tituláu VES (Sistema d'Entretenimientu de Videu), pero cuando se llanzó'l Atari VCS, l'añu siguiente, camudóse-y el nome a Fairchild. Foi la primera videoconsola con un microprocesador y qu'utilizara cartuchos, o ROMs.

La consola[editar | editar la fonte]

Los circuitos de la Channel F fueron diseñaos por Jerry Lawson utilizando la CPU de Fairchild F8, la primer apaición pública d'esti procesador. El F8 yera bien complexu en comparanza colos circuitos integraos de la dómina, y tenía más entraes y salíes que cualesquier otru chip del momentu. El F8 tuvo que ser fabricáu como un par de chips utilizaos conxuntamente pa formar una CPU, por cuenta de que nun se disponíen de chips con abondes conexones.

Lawson trabayó con Nick Talesfore y Ron Smith. Siendo manager de Diseñu Industrial, Talesfore foi'l responsable de diseñar los mandos, la consola y los cartuchos de los videoxuegos. Smith foi'l responsable de la mecánica interna de los cartuchos y los mandos. Toos ellos trabayaron sol mandu de Wilf Corigan, xefe de Fairchild Semiconductor, una división de Fairchild Camera & Instrument.

La paleta de colores de la Channel F

Los gráficos yeren bastante básicos pa los estándares modernos. La Channel F solo yera capaz d'utilizar un planu de gráficos y unu de los cuatro colories posibles per llinia, (colloráu, verde y azul) qu'incluyíen el blancu si'l fondu yera negru. El resolución yera de 128 x 64 píxeles con unos 102 x 58 visibles, amás, la memoria RAM yera de 64 bytes, la metá que na Atari 2600.[1][2] El procesador de la F8 foi'l primeru, na hestoria de les videoconsolas, en ser capaz de reproducir una IA lo suficientemente complexa pa dexar partíes Xugador contra Máquina. Toles anteriores riquíen que dambos oponentes fueren xugadores humanos.

Una de les carauterístiques úniques d'esta consola ye'l botón 'hold' ('caltener' en castellán), que dexaba al xugador pausar la partida y camudar el tiempu o la velocidá de xuegu.[3] Na consola orixinal, el soníu reproducíase al traviés d'un altavoz internu, en llugar d'al traviés de los mesmos de la TV. Sicasí, la System II camudó esto pa reproducilo al traviés de la TV.

Periféricos[editar | editar la fonte]

El controladores yeren joystick ensin una base. El cuerpu del joystick yera llargu y tenía un control con una forma triangular na parte cimera, esta parte yera la que podía movese n'hasta ocho direiciones. Solía ser usáu como un joystick y tamién podía xirase amás de poder pulsiase como botón de disparu.[4] El primeru modelu contenía un pequeñu compartimientu pa guardar los joysticks cuando se treslladaba.

El sistema II ufiertaba un controladores desmontables y tenía 2 güevos na parte posterior pa guardar los cables alredor y guardar el controlador nél. Zircon más tarde ufiertaba un mandu especial que contenía un botón extra d'aición na parte frontera. Foi vendíu por Zircon como “Channel F Jet-Stick” nuna cartes roblaes a los usuarios rexistraos antes de navidá de 1982.[5] Ellos tamién lo vendieron como un controlador compatible con Atari llamáu “Videu Command”, nun primer momentu anunciáu ensin el botón d'aición extra. Antes d'esto, solo les palanques y joystick al ser primíos actuaben como botón d'aición; les opciones de mover la palanca y xirar el joystick nunca fueron utilizaes pa nada.

Referencies[editar | editar la fonte]

Enllaces esternos[editar | editar la fonte]


Fairchild Channel F