Fabio Baudrit González

De Wikipedia
14-05-2021 15:32
Fabio Baudrit González
Vida
Nacimientu Heredia1875
Nacionalidá Bandera de Costa Rica Costa Rica
Muerte San Xosé1954 (78/79 años)
Estudios
Llingües falaes castellanu[1]
Oficiu políticu, intelectualabogáu
Cambiar los datos en Wikidata

Fabio Baudrit González (1875Heredia – 1954San Xosé) foi un abogáu, políticu ya intelectual costarricense. Yera sobrín del presidente Cleto González Víquez, que foi'l so principal valedor na política y col que compartió bufete d'abogáu.

Estudios[editar | editar la fonte]

Graduóse en derechu na Escuela de Derechu de Costa Rica[2], onde años dempués foi profesor.

Actividá política y cargos públicos[editar | editar la fonte]

Foi miembru de l'Asamblea Constituyente de 1917 y senador por Heredia mientres el represivu gobiernu de Federico Alberto Tinoco Granados (1917-1919). Participó na emisión d'una Llei d'Orde Públicu (Nᵘ 7 de 2 d'agostu de 1917) qu'acutó severamente de les llibertaes individuales y que foi conocida popularmente como llei Baudrit[3] y llei del candáu. Nesta llei disponíase, por casu, que "quien tirara a infundir rocea" respeutu al Gobiernu sufriría una pena d'hasta seis meses de confinamientu, y que los delitos afitaos nella nun seríen de la conocencia de los xueces penales, sinón de los axentes de policía y los xefes políticos nomaos pol Poder Executivu.

Darréu foi Secretariu de Gobernación[2] y de Facienda, Ministru Plenipotenciariu en misión especial en Panamá (1928), Primer Designáu a la Presidencia (1928-1932). Foi condecoráu en 1931 cola Orde al Méritu del Ecuador.

Actividá intelectual[editar | editar la fonte]

Foi autor de cuentos, ensayos, artículos y otres obres[2], lo mesmo que de delles traducciones. Gran parte de los sos escritos recuéyense nuna obra espublizada en 1956 col títulu de Cifra antológica de Fabio Baudrit González.

Incorporáu como correspondiente a la Real Academia Española en 1922, foi miembru fundador de l'Academia Costarricense de la Llingua en 1923 (Siella H)[2], na qu'a la so muerte asocediólu'l poeta y llingüista Arturo Agüero Chaves.

Bibliografía[editar | editar la fonte]

Abelardo Bonilla Baldares, Historia de la Literatura Costarricense, San José, Editorial Costa Rica, 1ª. ed., 1967, páxs. 298-299.

Jesús Manuel Fernández Morales, Las presidencias del Castillo Azul, San José, LIL, 1a. ed., 2009, páxs. 171-175.

Referencies[editar | editar la fonte]

  1. «idRef» (francés). Agencia Bibliográfica de Enseñanza Superior. Consultáu'l 13 mayu 2020.
  2. 2,0 2,1 2,2 2,3 https://www.acl.ac.cr/n_a.php?ffg
  3. https://amp.ww.bluerock.es/5251874/1/fabio-baudrit-gonzalez.html

Enllaces esternos[editar | editar la fonte]