FZ Persei

De Wikipedia
Saltar a navegación Saltar a la gueta
FZ Persei
Picto infobox astronomy.png
FZ Persei
Datos d'observación
(Dómina J2000.0)
Constelación Perséu
Ascensión reuta (α) 02h 20min 59,68s
Declinación (δ) +57º 09’ 30,6’’
Mag. aparente (V) +7,96 (media)
Carauterístiques físiques
Clasificación estelar M0I
Masa solar 12 M
Radiu (324 R)
Magnitú absoluta -3,50
Gravedá superficial 0,50 (log g)
Lluminosidá 21.900 L
Temperatura superficial 3920 K
Metalicidá [Fe/H] = -0,35
Variabilidá Variable semirregular
Periodu d'oscilación 368 díes
Astrometría
Velocidá radial -44 km/s
Distancia ~ 6215 años lluz (~ 1905 pc)
Referencies
SIMBAD enllaz
Otres designaciones
HD 14330 / SAO 23217 / BD+56 551 / TYC 3694-1862-1
[editar datos en Wikidata]

FZ Persei (FZ Per)[1] ye una estrella variable na constelación de Perséu. De magnitú aparente media +7,96, ye miembru del cúmulu abiertu NGC 884, el que ta más al este del Cúmulu doble de Perséu. Puede tar a unos 1690 pársecs (5510 años lluz) del Sistema Solar,[2] magar otru estudiu apunta una distancia mayor de 1905 pársecs (6215 años lluz).[3]

Carauterístiques físiques[editar | editar la fonte]

FZ Persei ye una superxigante colorada de tipu espectral M0I —catalogada tamién como MIab— con una temperatura efectivo de 3920 K.[3] Ye una superxigante de gran tamañu, con un diámetru 325 vegaes más grande qu'el diámetru solar.[3] Ello implica qu'el so radiu equival a 1,5 UA, polo que si se topara nel llugar del Sol, les órbites de los primeros trés planetes —la Tierra inclusive— quedaríen englobaes nel interior de la estrella. El so tamañu, comparable al de R Leonis o R Doradus, ye, sicasí, la metá del de la brillosa Antares (α Scorpii). Con una masa d'aprosimao 12 mases solares, envalórase que la so perda de masa estelar —en forma de polvu, una y bones el gas atómico y molecular nun pudo ser evaluáu— ye de 0,7 × 10-9 mases solares per añu.[3]

Composición química[editar | editar la fonte]

Adoptando'l valor de [Fe/H] = -0,35 como índiz de metalicidá de FZ Persei —que se considera uniforme pa tol cúmulu—, reparóse un sustancial escesu de sodiu, tamién común n'otres superxigantes de NGC 884. Dichu escesu puede provenir de procesos internos, como la captura protónica en 22Ne, o d'un arriquecimientu del cúmulu anterior a la formación de FZ Persei.[4]

El conteníu de litiu, otra manera, ye bien variable nes distintes superxigantes del cúmulu, siendo'l valor de [Li/Fe] para FZ Persei igual a -0,70.[4]

Variabilidá[editar | editar la fonte]

Catalogada como estrella variable semirregular SRC, el rellumu de FZ Persei varia ente magnitú +9,80 y +10,70 en banda B.[5] Detectáronse dos periodos, unu de 368 ± 13 díes[6] y otru de 184 díes.[5]

Ver tamién[editar | editar la fonte]

Referencies[editar | editar la fonte]