FF Andromedae

De Wikipedia
Saltar a navegación Saltar a la gueta
FF Andromedae
FF Andromedae A/B
Constelación Andrómeda
Ascensión reuta α 00h 42min 48,25s
Declinación δ +35º 32’ 55,6’’
Distancia 76 años lluz
Magnitú visual +10,38 (variable)
Magnitú absoluta +8,54
Lluminosidá ?
Temperatura 3750 / 3750 K
Masa 0,5 / 0,5 soles
Radiu 0,65 / 0,65 soles
Tipu espectral M1Ve / M1Ve
Velocidá radial +10 km/s
Otros nomes HIP 3362 / GJ 29.1
GJ 9022 / BD+34 106

FF Andromedae (FF And)[1] ye un sistema estelar na constelación d'Andrómeda. De magnitú aparente media +10,38, alcuéntrase visualmente a pocu más de 2º al nordés de π Andromedae. Alcuéntrase a 76 años lluz del Sistema Solar.

Carauterístiques[editar | editar la fonte]

FF Andromedae ye, en primer instancia, una estrella binaria que les sos componentes son dos nanes coloraes de tipu espectral M1Ve. Práuticamente iguales, la temperatura efectivo de dambes ta entendida ente 3600 y 3890 K. Caúna d'elles porta una masa ente 0,41 y 0,55 mases solares. El so radiu puede tar en redol al 65% del radiu solar y xiren sobre sigo mesmes con una elevada velocidá de rotación de siquier 14 km/s.[2] El periodu orbital d'esta binaria ye de 2,1703 díes,[3] siendo'l semiexe mayor de la órbita de 0,03 UA. El planu orbital ta inclináu 60º y nun ye una binaria eclipsante.[2]

El proyeutu 2MASS dexó detectar una estrella de bien baxa masa —alredor de 0,09 mases solares— que se mueve alredor de la binaria. Emplega 4358 díes en completar una órbita.[4]

Variabilidá[editar | editar la fonte]

FF Andromedae ye una variable BY Draconis que la so amplitú de variación ye de cerca de 0,9 magnitúes.[5] Estes estrelles tienen cromosferes actives y emiten enerxía en forma de rayos X; en dicha rexón del espectru, la lluminosidá de FF Andromedae ye de 0,035×1024 W.[2]

Piénsase, amás, que les componentes de la binaria son estrelles acandilantes.[5]

Referencies[editar | editar la fonte]