Fórmula 1

Gran Premiu de Malasia de 2006

La Fórmula 1, davezu abreviao F1, y tamién denomada "categoría reina del automovilismu", o, cenciellamente "la máxima", ye la competición automovilística internacional más popular. A cada carrera denómase-y Gran Premiu y la competición que les axunta denómase Campeonatu Mundial de Fórmula 1. Les carreres de Fórmula 1 cellébrense en circuitos urbanos o en circuitos especialmente construyíos o en su defeutu, antigües pistes que teníen otros usos. Los automóviles utilizaos son monoplaza coles caberes teunoloxíes disponibles; dalgunes d'estes foren desendolcaes na Fórmula 1 y terminaron siendo usaes n'automóviles de cai, como'l turbocompresor.

L'entamu de la Fórmula 1 moderna remóntase al añu 1950, nel que ya participaren equipos llexendarios como Ferrari, Alfa Romeo y Maserati. Anaguaño, nuevos equipos tienen apartao a otros munchos más antiguos, y tienen algamaos grandes ésitos, como McLaren, Ferrari o Williams, qu'algamaren delles vegaes el campeonatu del mundu d'escuderíes.

Pilotos llexendarios

Los pilotos campeones del mundu hasta anguaño foren:

Posición	Pilotu	Títulos		Posición	Pilotu	Títulos
1ᵘ	Michael Schumacher	7		15ᵘ	Mike Hawthorn	1
2ᵘ	Juan Manuel Fangio	5		15ᵘ	Phil Hill	1
3ᵘ	Alain Prost	4		15ᵘ	John Surtees	1
3ᵘ	Lewis Hamilton	4		15ᵘ	Jenson Button	1
3ᵘ	Sebastian Vettel	4		15ᵘ	Nico Rosberg	1
4ᵘ	Jack Brabham	3		15ᵘ	Denny Hulme	1
4ᵘ	Jackie Stewart	3		15ᵘ	Jochen Rindt	1
4ᵘ	Niki Lauda	3		15ᵘ	James Hunt	1
4ᵘ	Nelson Piquet	3		15ᵘ	Mario Andretti	1
4ᵘ	Ayrton Senna	3		15ᵘ	Jody Scheckter	1
9ᵘ	Alberto Ascari	2		15ᵘ	Alan Jones	1
9ᵘ	Jim Clark	2		15ᵘ	Keke Rosberg	1
9ᵘ	Graham Hill	2		15ᵘ	Nigel Mansell	1
9ᵘ	Emerson Fittipaldi	2		15ᵘ	Damon Hill	1
9ᵘ	Mika Häkkinen	2		15ᵘ	Jacques Villeneuve	1
9ᵘ	Fernando Alonso	2		15ᵘ	Kimi Räikkönen	1
15ᵘ	Giuseppe Farina	1

• Wikimedia Commons tien conteníu multimedia tocante a Fórmula 1.