Ezra Stone
Ezra Stone | |
|---|---|
 | |
| Vida | |
| Nacimientu | New Bedford, 2 d'avientu de 1917[1] |
| Nacionalidá |
 Estaos Xuníos |
| Muerte |
Perth Amboy (es)  , 3 de marzu de 1994[1] (76 años) |
| Causa de la muerte | accidente de tráficu |
| Familia | |
| Casáu con | Sara Seegar |
| Estudios | |
| Estudios |
American Academy of Dramatic Arts 1935) Oak Lane Day School (en) |
| Llingües falaes | inglés[2] |
| Oficiu | direutor de televisión, direutor de cine, actor de teatru, actor de televisión, actor de cine |
| Premios | |
| IMDb | nm0831868 |
 | |
Ezra Stone (2 d'avientu de 1917, New Bedford – 3 de marzu de 1994, Perth Amboy (es) ) foi un actor y direutor d'Estaos Xuníos, que la so carrera artística tomó'l teatru, la radio, el cine y la televisión. El so papel más destacáu como actor foi'l del adolescente Henry Aldrich na serie radiofónica The Aldrich Family.
Biografía[editar | editar la fonte]
El so verdaderu nome yera Ezra Chaim Feinstone, y nació en New Bedford, Massachusetts. Stone estudió interpretación na American Academy of Dramatic Arts, empezando la so carrera profesional nel teatru a mediaos de los años 1930, actuando como Henry Aldrich na pieza de Clifford Goldsmith What a Life. Goldsmith dempués llevó al so personaxe Henry y a la so familia a formar parte d'unos sketches radiofónicos nos cualos participaben los cantantes Rudy Vallee y Kate Smith. La popularidá d'esos númberos fizo que la NBC diera a Goldsmith la posibilidá de desenvolver en 1938 una serie de media hora de duración como reemplzao veraniegu de Jack Benny.
En 1939, The Aldrich Family convirtiérase nuna serie d'ésitu por méritos propios, trabayando na mesma Katherine Raht y House Jameson. Según l'historiador de la radio Gerald Nachman, The Aldrich Family dio con una formula que sentó les bases de munches futures sitcoms.
Stone siguió interpretando a Henry hasta 1942, cuando hubo d'incorporase al serviciu militar de resultes de la Segunda Guerra Mundial. El so personaxe foi entós interpretáu por Norman Tokar (unu de los guionistes del show), Dickie Jones (1943–44), y Raymond Ives (1944–45). Rematada la guerra, Stone volvió al papel, interpretándolo hasta 1952, faciéndolo a partir d'entós y hasta la finalización del show, Bobby Ellis.
Rematáu'l so periodu con The Aldrich Family, Stone dedicóse principalmente a la direición teatral y televisivo---irónicamente, el so primer trabayu como direutor televisivu foi la versión pa la pequeña pantalla de The Aldrich Family en 1952. A partir d'entós tuvo la oportunidá de dirixir en distintos shows, ente ellos I Married Joan, Bachelor Father, Bob Hope Presents the Chrysler Theatre, Lassie, The Munsters, Perdíos nel espaciu, Julia, y Love, American Style.
Stone tamién foi tamién intérprete de numberosos pequeños papeles, tantu nel cine como na televisión, siendo unu de los más destacaos el d'un direutor cinematográficu nel episodiu "Show Biz" de la segunda temporada de "Emergency!". En 1976 actuó nun especial televisivu, The Good Old Days of Radio, nel cual él y delles antigües estrelles de la radio---Art Linkletter, Eddie Anderson (Rochester en The Jack Benny Program), Jim Jordan (Fibber McGee and Molly), Dennis Day, George Fenneman, y Edgar Bergen---falaben sobre la so carrera nesi mediu.
Ezra Stone tuvo casáu 48 años cola actriz Sara Seegar, permaneciendo dambos xuntos hasta la muerte d'ella en 1990. Cuatro años más tarde, Ezra Stone finó por causa de un accidente de tráficu cerca de Perth Amboy, Nueva Jersey. Tenía 76 años d'edá.[3]
Referencies[editar | editar la fonte]
- ↑ 1,0 1,1 Afirmao en: SNAC. Identificador SNAC Ark: w6ns3h00. Apaez como: Ezra Stone. Data de consulta: 9 ochobre 2017. Llingua de la obra o nome: inglés.
- ↑ URL de la referencia: https://plus.si.cobiss.net/opac7/conor/120791651.
- ↑ Grimes, William (5 de marzu de 1994). Ezra Stone, 76, Henry Aldrich On the Radio. The New York Times. http://query.nytimes.com/gst/fullpage.html?res=9801Y5D8113AF936A35750C0A962958260. Consultáu'l 6 de payares de 2008.
Enllaces esternos[editar | editar la fonte]
Wikimedia Commons acueye conteníu multimedia sobre Ezra Stone 
.- Ezra Stone na Internet Movie Database (n'inglés)
- Ezra Stone na Internet Broadway Database (n'inglés)
