Exiptu prehistóricu

	periodization (en)
Alministración
Xeografía

L'Exiptu prehistóricu o Exiptu predinásticu ye'l periodu históricu que s'estiende dende la primer población humana n'Exiptu hasta la fin de la Primer Dinastía d'Exiptu, alredor del añu 3100 e.C.

Na so etapa final, la prehistoria exipciana suel definise tradicionalmente como'l periodu que va dende la parte final del Neolíticu, alredor del 6210 e.C., hasta'l final de la cultura de Naqada III, escontra'l 3000 e.C. Estes feches del periodu predinásticu fueron establecíes primero de que se realizaren escavaciones arqueolóxiques estenses n'Exiptu, y los descubrimientos más de recién, qu'indiquen un desenvolvimientu mui gradual, provocaron discutinios sobre cuál ye exactamente'l momentu d'acabu d'esta etapa. Poro, úsense términos como periodu protodinásticu, "Dinastía Zero" o "Dinastía 0"^[1] pa referise a una parte d'esti periodu que delles persones consideren predinásticu y otres, parte del periodu dinásticu tempranu.

El periodu predinásticu suel dividise n'etapes culturales nomaes según el llugar onde se descubrió per primer vegada un tipu particular d’asentamientu exipcianu. Sicasí, el desenvolvimientu gradual que carauteriza’l periodu protodinásticu ta presente a lo llargo de tol periodu predinásticu, polo qu'estes "cultures" individuales nun han d'interpretase como entidaes separtaes, sinón como divisiones metodolóxiques y un tanto suxetives pa facilitar el so estudiu.

La mayoría abrumadora de los restos arqueolóxicos del periodu predinásticu apaecieron nel Altu Exiptu, y non na fastera del Delta del Nilu, debío a que los sedimentos del Ríu Nilu se depositaron con más espesor nel delta, soterrando práuticamente tolos xacimientos d’esa zona muncho enantes de la Época moderna.^[2].

Referencies

↑ Leprohon, Ronald J. Society of Biblical Literature: The great name : ancient Egyptian royal titulary. ISBN 978-1-58983-735-5.
↑ Redford, Donald B. University Press: Egypt, Canaan, and Israel in Ancient Times. ISBN 9780691036069.

Enllaces esternos

[1] Leprohon, Ronald J. Society of Biblical Literature: The great name : ancient Egyptian royal titulary. ISBN 978-1-58983-735-5.

[Redford_10-2] Redford, Donald B. University Press: Egypt, Canaan, and Israel in Ancient Times. ISBN 9780691036069.

[1]

[2]