Exeria

Exeria
Vida
Nacimientu	Gallaecia, sieglu de IV
Nacionalidá	Antigua Roma
Muerte	fecha desconocida
Estudios
Llingües falaes	latín clásico (es)
Oficiu	monxa, poeta, viaxera, peregrino (es) , escritora
Trabayos destacaos	Peregrinatio Aetheriae (es)
Creencies
Relixón	Ilesia Católica

Exeria, tamién nomada Eteria o Etheria, ya inclusive Arteria o Geria, foi una viaxera y escritora hispana del sieglu IV.

Gracies a la "Pax romana" una ciudadana del imperiu podía viaxar dende Gallaecia hasta Mesopotamia. Esto asocedía ente los años 381 a 384.

Biografía

Magar que los sos datos biográficos son escasos, supónse que yera gallega, y dalgunos autores considérenla emparentada con Aelia Flacilla, primer muyer de Teodosiu'l Grande. A. Lambert ellaboró una hipótesis según la que trataríase de la hermana de Gala, de la que fala S. Xerónimu como pareya de Priscilianu.. Esta hipótesis y la condición de muyer independiente bragada y sotripada, asina como'l so orixe galaicu, sirvieren de sofitu pa adscribila nel movimientu priscilianista. Dalgunos datos sobro los que nun paez haber discutiniu, son la so ascendencia noble, la so posición económica acomodao y la so solliñable cultura. Nos sos escritos revélase como una muyer de fondera relixosidá pero tamién (en boca de la propia Exeria) d'una curaxa illimitada.

Sábese que visitó los Santos Llugares (Exiptu, Palestina, Siria, Mesopotamia, Asia Menor y Constantinopla), nun llargu viaxe, ente 381 y 384, recoyendo les sos impresiones nel so llibru Itinerarium ad Loca Sancta, llibru que tuvo ciertu espardimientu por cuntar de miente menuciosa y, sobro too, animada'l viaxe. Altravesó el sur de Galia (anguaño Francia) y el norte d'Italia; crució en barcu el mar Adriáticu. Sábese qu'aportó a Constantinopla nel añu 381. D'aende partió a Xerusalén y visitó Xericó, Nazaré y Cafarnaúm. Partió de Xerusalén hacia Exiptu en 382, visitó Alexandría, Tebes, el mar Roxu y el Sinaí. Visitó llueu Antioquia, Edesa, Mesopotamia, el ríu Éufrates y Siria dende au retornó vía Constantinopla.

Ver tamién

• Monesteriu
• Priscilianu