Una eurorrexón ye una estructura, propia de la política europea, creada pa favorecer la cooperación tresfronteriza ente dos o más países europeos. En xeneral nun correspuenden con denguna institución gubernamental y nun tienen poder llexislativu propio, y les sos competencies tán perllimitaes poles de los gobiernos llocales y rexonales. Búscase, cola so creación, promover los intereses comunes de les poblaciones asitiaes a dambos llaos de la frontera.
L'Asociación de Rexones Europees Fronterices establez los criterios que vienen darréu pa la identificación d'eurorrexones[1]:
Una asociación d'autoridaes llocales y rexonales de los dos llaos de la frontera nacional, delles veces con consensu parllamentariu.
Una asociación tresfronteriza, con un secretariáu fronterizu y un equipu téunicu y alministrativu con recursos económicos propios:.
Una asociación de llei natural privada, basáu n'asociaciones ensin ánimu de lucru o en fundaciones, esistentes a dambos llaos de la llende interestatal y qu'actúen acordies coles sos respeutives normatives llegales.
Una asociación de llei natural pública, basada n'alcuerdos entre estaos y nes que participen, xeneralmente, autoridaes territoriales.
La esistencia de formes tan estremaes de formar una eurorrexón fai perdifícil asociar el términu con un marcu llegal concretu, ya que'l funcionamientu d'elles varia enforma ente unes y otres.
La forma de nombrales son tan variaes como la so estructura. Les más avezaes son: euregio, euregion, euroregion, eurorégion, euroregión, euroregione, euro-região, ευρωπεριοχή, europaregion, euroregiune, grande région, еврорегион (evroregion), regio, conseil y council.
Recuéyese nel llistáu'l nome llocal de caúna d'elles. Les rexones llístense n'orde cronolóxicu.
Esta ye una llista d'eurorrexones. Les rexones cooperantes de normal tienen distintos nomes (llocales) en cada país participante. Les rexones tán llistaes n'orde cronolóxicu. Tamién se llisten los países participantes y l'añu en que foi fundada la eurorrexón.
.svg){kind=small}
Datos: Q153026
Multimedia: Euroregions