Europuerto de Rosslare

L'Europuerto de Rosslare (n'irlandés: Calafort Ros Láir) ye un modernu puertu marítimu alcontráu nel Puertu de Rosslare, condáu de Wexford, Irlanda, nel puntu sureste del país. Esti puertu lleva pasaxeros y tresbordadores de carga a Gales y Francia.

El puertu, primero llamáu Rosslare Harbour, ye operáu por Iarnród Éireann, l'operador nacional ferroviariu d'Irlanda, que aprove servicios direutos a Limerick y Dublín dende la estación ferroviaria del Europuerto de Rosslare.

Detalles[editar | editar la fonte]

El puertu tien anguaño cuatro amarraderos. El ferry de pasaxeros va hasta Fishguard y Pembroke Dock en Gales según a Cherbourg y Roscoff en Francia. Dende 2014 coneuta col norte d'España, col Puertu de Xixón. El serviciu de tresporte de mercancíes llega hasta Le Havre en Francia. Un bote salvavides pa tou clima de la RNLI atópase aparcáu nel puertu y un helicópteru del Aeropuertu Waterford perteneciente a la Guardia Costanera Irlandesa, aprove cobertoria de rescate aereu-marítimu. Tamién una estación meteorolóxica automática ye caltenida axacente al puertu por Mét Éireann.

El puertu recibe barcos qu'importen nuevos autos al país. Los almacenes de los importadores pueden ser vistos nel pueblu del puertu de Rosslare.

L'área del puertu ta construyida na so mayoría en tierres ganaes al mar. El trabayu de ganar tierres al mar siguió hasta finales de los años ´90, cuando la parte noroeste del puertu foi construyida usando'l sistema d'escavación dragline.

Les facilidaes nel edificiu de la terminal inclúin un chigre restaursnte, arriendu d'autos, una tienda y los mostradores de la compañía de ferris. Una plataforma ferroviaria ocupa parte del edificiu y servicios d'autobús a Wexford, Dublín, Cork y Limerick salen dende'l llugar.

El puertu ta espuestu mientres tol añu al clima del Atlánticu este. Esto de cutiu causa'l retrasu nel serviciu de ferris. La prohibición de les ventes llibres d'impuestos, pola Unión Europea, causó-y un dañu inmensu al europuerto de Rosslare. Nos pasaos años muncha xente diba al puertu pa mercar bébora y pitos llibres d'impuestos. Estes prohibiciones causaron un descensu nel númberu de visitantes. Les escursiones al parque temáticu de Oakwood inda atrai a munchos mientres el branu.

El tresporte de mercancíes ye desaxeradamente importante pal europuerto. Cada añu una vasta cantidá de bienes pasen al traviés de Rosslare llegando dende'l Reinu Xuníu y del continente européu, estos son reemplazaos polos ferris d'ida coles esportaciones pa otros países.