Europa xermanofalante

De Wikipedia
Conocencies de llingua alemana de los ciudadanos de la Unión europea.

La llingua alemana ye falada en numberosos países y territorios n'Europa, siendo utilizada como llingua oficial y como llingua minoritaria en dellos países europeos. Pa referinos a estos, de cutiu dicimos, países falantes d'alemán, área de fala alemana (Deutscher Sprachraum), o lo qu'esto ye, Europa xermanofalante (de normal los pocos territorios extraeuropeos onde se fala alemán nun tán incluyíos nel conceutu).

L'alemán ye la llingua principal d'ente 95 y 100 millones de persones aproximao n'Europa, o lo que vien ser, el 13.3% de tolos europeos; siendo la segunda llingua nativa más falada n'Europa dempués de rusu (con 144 millones de falantes) y percima del francés (con 66.5 millones) ya inglés (con 64.2 millones).

Los países europeos con mayoríes xermanofalantes son, Alemaña (95%, 78.3 millones), Austria (89%, 7.4 millones) y Suiza (65%, 4.6 millones), tamién conocíos como países "D-A-CH". Otros países europeos y rexones con una mayoría de fala alemana son Liechtenstein (0.03 millones), y la provincia autónoma italiana de Bolzano, nel sur del Tirol (0.5 millones).

Hai una xunta añal de los xefes d'Estáu de países xermanofalantes incluyendo los Presidentes d'Alemaña, Austria y Suiza y el Príncipe Herederu de Liechtenstein.[1] Dende 2014 el Rei de Bélxica y el Gran Duque de Luxemburgu tamién participaron.

D-A-CH[editar | editar la fonte]

Países qu'integren D-A-CH

D-A-CH o DACH ye un acrónimu utilizó pa representar los Estaos pertenecientes a la zona llingüística de la llingua alemana (Sprachraum). Ta basáu nos códigos d'inscripción de vehículu internacionales para:

"Dach" ye tamién la pallabra alemana utilizada pa referise al "techu", y ye utilizada en llingüística col términu Dachsprache, qu'en alemán estándar podría dicise que ta rellacionáu con dellos dialeutos alemanes periféricos, especialmente en Suiza, Francia, Luxemburgu y Austria.

El términu ye dacuando estendíu a D-A-CH-Li, DACHL o DACH+ pa incluyir Liechtenstein. Otra versión ye DACHS (con Dachs''' que quier dicir "Melandru" n'alemán) pa incluyir la rexón de fala alemana de sur Tirol n'Italia.[2]

DACH ye tamién el nome d'un proyeutu Interreg III A, que céntrase n'entamar cooperación tresfronteriza.[3]

Estáu oficial[editar | editar la fonte]

Alemán como llingua auxiliar oficial en 22 conceyos na parte polaca de Silesia

Referencies[editar | editar la fonte]