Eta Capricorni

De Wikipedia
Saltar a navegación Saltar a la gueta
Eta Capricorni
Eta Capricorni A
Constelación Capricorniu
Ascensión reuta α 21h 04min 24,30s
Declinación δ -19º 51’ 18,0’’
Distancia 158 años lluz
Magnitú visual +4,86
Magnitú absoluta +1,39
Lluminosidá 26 soles
Temperatura 8081 K
Masa 2,08 soles
Tipu espectral A5V
Velocidá radial +23,8 km/s

Eta Capricorni (η Cap / 22 Capricorni / HD 200499 / HR 8060)[1][2] ye una estrella binaria na constelación de Capricorniu. Ye tamién conocida pol nome de Armus,[3] utilizáu namái dacuando. De magnitú aparente +4,86, alcuéntrase a 158 años lluz del Sistema Solar.

La estrella principal d'Eta Capricorni ye una estrella blanca de la secuencia principal de tipu espectral A5V. Asemeyáu a Sheratan A (β Arietis) o a Alya A (θ Serpentis), tien una temperatura superficial de 8081 K. La so lluminosidá ye 26 vegaes superior a la lluminosidá solar y tien una masa 2,08 vegaes mayor que la del Sol.[4] Xira sobre sigo mesma con una velocidá de rotación proyeutada de 61 km/s.[5]

De la so compañera estelar —visualmente a 0,30 segundos d'arcu— namái se sabe que tien magnitú +7,39 y que completa una órbita alredor del so brillosu compañera cada 28 años. Amás, la órbita ye considerablemente escéntrica (ε = 0,39).[6] La edá d'esta binaria envalórase en 500 millones d'años.[7]

Tocantes a la composición química del sistema, la rellación oxíxenu/hidróxenu ye daqué inferior a la solar ([O/H] = -0,10), siendo'l so conteníu metálico tamién menor que nel Sol ([Fe/H] = -0,21). A esceición del sodiu, que la so bayura relativa ye comparable a la de la nuesa estrella, otros elementos evaluaos como siliciu, calciu o bariu amuesen niveles per debaxo de les solares.[5]

Referencies[editar | editar la fonte]