Eta Cancri

De Wikipedia
Saltar a navegación Saltar a la gueta
Eta Cancri
Eta Cancri
Constelación Cáncer
Ascensión reuta α 08h 32min 42,50s
Declinación δ +20º 26’ 28,2’’
Distancia 298 años lluz
Magnitú visual +5,34
Magnitú absoluta +0,43
Lluminosidá 98 soles
Temperatura 4345 ± 4 K
Masa 1,3 - 1,6 soles
Radiu 17 soles
Tipu espectral K3III
Velocidá radial +22,70 km/s
Otros nomes HD 72292 / HR 3366
HIP 41909 / SAO 80243

Eta Cancri (η Cnc / 33 Cancri)[1] ye una estrella na constelación de Cáncer de magnitú aparente +5,34. Nun tien nome propiu habitual, pero al pie d'Asellus Borealis (γ Cancri), Asellus Australis (δ Cancri), ε Cancri y θ Cancri, créese que formaba la estación llunar persa de Avra‑k, «la nube», según la copta Ermelia, «crianza».[2]

Eta Cancri ye una xigante naranxa de tipu espectral K3III con una temperatura efectivo de 4345 - 4450 K, cifra que varia según la fonte consultada.[3][4] La so lluminosidá ye 98 vegaes mayor que la del Sol, lo que supón el doble de lluminosidá que Pólux (β Geminorum) —la xigante naranxa más próxima a nós— pero namái 1/5 parte de la d'Altarf (β Cancri), la estrella más brillosa de Cáncer.

Eta Cancri tien una metalicidá —bayura relativa d'elementos más pesaos qu'el heliu— comparable a la del Sol ([Fe/H] = +0,07). En cuanto al restu de los elementos evaluaos, el bariu presenta una bayura más baxa que la solar ([Ba/H] = -0,29), ente que cobaltu y manganesu son notablemente más abondosos ([Mn/H] = +0,38).[5]

Eta Cancri tien un radiu 17 vegaes más grande qu'el del Sol, lo qu'equival a 0,08 UA.[3] Xira amodo sobre sigo mesma, con una velocidá de rotación proyeutada de 2,9 km/s.[4] Anque ye difícil determinar la so masa con exactitú, ésta envalórase ente 1,3 y 1,6 mases solares.[5] Alcuéntrase a 298 años lluz del Sistema Solar.

Referencies[editar | editar la fonte]