Eta Antliae

De Wikipedia
Saltar a navegación Saltar a la gueta
Eta Antliae
Eta Antliae
Constelación Antlia
Ascensión reuta α 09h 58min 52,3s
Declinación δ -35º 53’ 27,5’’
Distancia 106 ± 2 años lluz
Magnitú visual +5,24
Magnitú absoluta +2,66
Lluminosidá 6,6 soles
Temperatura 7164 K
Masa 1,55 soles
Radiu 1,7 soles
Tipu espectral F1V
Velocidá radial +30 km/s

Eta Antliae (η Ant / HD 86629 / HR 3947)[1] ye una estrella na constelación de Antlia, la máquina neumática. De magnitú aparente +5,24, ye la quinta estrella más brillosa de la mesma. Alcuéntrase a 106 años lluz de distancia del Sistema Solar.

Carauterístiques[editar | editar la fonte]

Eta Antliae ye una estrella blancu-mariella de la secuencia principal de tipu espectral F1V[1] y 7164 K de temperatura, similar a η Corvi, π Canis Majoris o η Leporis. Catalogada enantes como subxigante ya inclusive xigante,[2] la so lluminosidá —6,6 vegaes mayor que la solar— correspuende a una estrella que, como'l Sol, llogra la so enerxía per mediu de la fusión de hidróxenu. El so radiu, un 70% mayor qu'el radiu solar, acota la so estatus como estrella de la secuencia principal.

Con una masa de 1,55 mases solares, la so edá envalórase nunos 900 millones d'años. Como asocede nun gran númberu d'estrelles reparaes, tien un conteníu de litiu mayor que Sol, concretamente unes 660 vegaes mayor.[3]

Eta Antliae forma un sistema binariu con una compañera de magnitú 11,3. La separación visual ente dambes ye de 31,1 segundos d'arcu,[2] que correspuende a una distancia real ente elles de más de 1000 UA.

Referencies[editar | editar la fonte]