Esther Fonseca

De Wikipedia
Saltar a navegación Saltar a la gueta
Esther FonsecaPicto infobox music.png
Vida
Nacimientu sieglu XX
Nacionalidá Flag of Spain.svg España
Estudios
Llingües falaes castellanu
asturianu
Oficiu
Oficiu cantante
Instrumentu musical voz
Cambiar los datos en Wikidata

Esther Fonseca ye una cantante de música folk y acústica d'Asturies que canta n'asturianu. Amás, tamién ye presentadora del espacíu de TPA Sones.

Biografía[editar | editar la fonte]

La cantante Esther Fonseca apaez nel añu 2002 nel panorama musical asturianu con un discu (Agua) qu'amesta la balada céltica y les nueves músiques. Nun yera ésta la primera esperiencia musical nin discográfica d'esta cantante moza. Lloñe quedaben los sos años de neña como integrante de los conocíos grupos de música pa neños Seliquín y Xentiquina, asina como la so participación como voz solista nel discu Xaranzaina, grabáu n'andecha con un garapiellu de músicos mozos del Conservatoriu del Nalón. Sicasí, la nueva propuesta musical d'Esther Fonseca, algama un saltu cualitativu mui importante na so carrera musical y un nuevu camín qu'axuntar a los yá abiertos n'Asturies, nel tarrén de les nueves propuestes musicales en llingua asturiana.

N'avientu de 2007 presenta, con una actuación, el so últimu discu: Viaxe. La vocalista del grupu folk Llangres acompáñase pa esti viaxe de músicos de sonadía reconocida pa interpretar catorce canciones compuestes por so pá, Nacho Fonseca, fundador del grupu infantil Xentiquina. El discu ta autoproducíu, grabóse nel estudiu Musifactor de Piedrasblancas y la producción corrió a cargu de Nacho Fonseca y d'Emilio Huerta, que tamién foi'l responsable de la direición artística, de delles igües musicales y de los teclaos. El restu de la banda taba formada pol guitarrista Javier Monje, el percusionista Juanjo Díaz, l'harpista Yago Prado, el flautista Manuel Fonseca y el vigulineru Peter Bulla. Otres collaboraciones del discu tuvieron a cargu de Daniel Álvarez (gaita), Ramón González (saxu, tecláu), Tamara Rodríguez (cellu) y Tina Cuadriello (acordión). Nel añu 2011.

Discografía[editar | editar la fonte]

En solitariu[editar | editar la fonte]

  • Agua. Fonoastur (2002)
  • Viaxe. Autoedición (2007)

Col grupu Llangres[editar | editar la fonte]

  • Esnalar. Autoedición (2005)
  • Entá. Fonoastur (2008)

Enllaces esternos[editar | editar la fonte]