Esteban de les Nales

De Wikipedia
Saltar a navegación Saltar a la gueta
Esteban de les Nales
gobernador real de La Florida Traducir

Vida
Nacimientu Aviléssieglu  XVI[[(Gregorianu)]]
Nacionalidá Bandera d'España España
Fallecimientu 1577 [[(Gregorianu)]]
Oficiu
Oficiu marineru y militar
Cambiar los datos en Wikidata

Esteban de les Nales (Avilés, 15?? - Nome de Dios, 1577) foi un marín asturianu gobernador de La Florida conocíu col pseudónimu de El Mozu.

Biografía[editar | editar la fonte]

Fíu de Rodrigo de les Nales y María de Lleón, los primeros rexistros de la so presencia n'América daten de 1561. En 1563 tiense constancia de la so presencia como Xeneral na Flota de Nueva España. Amigu y compañeru de Pedro Menéndez d'Avilés, acompañó-y na conquista de Florida comandando una de les escuadres, financiada en parte polos sos propios fondos, en 1565. Separáu del restu de la flota, por una nube, termina abelugándose en La Española y Cuba.

Tres el realcuentru con Pedro Menéndez, pasa a formar parte del so Estáu Mayor, siendo Contador, esquizando'l sur de Florida y entablando contautu con diverses tribus indíxenes. Darréu collaboró na esploración del norte de Florida (llegando a lo qu'anguaño ye Carolina del Sur), onde foi nomáu gobernador del fuerte San Felipe, nel que tien qu'enfrentase a un motín. A la marcha de Pedro Menéndez a España en 1567 foi nomáu gobernador y capitán xeneral de Florida. Tien qu'enfrentase nel cargu tantu a los problemes de moral y motinos de la soldadesca como a socesivos ataques d'indios y franceses, contra los que llibra combates nel Fuerte de San Mateo, que termina siendo escaláu polos franceses con gran facilidá, yá que fueron ayudaos polos amerindios y solo atopáronse cola resistencia del capitán y siete soldaos españoles (de los 120 qu'había nel fuerte), lo que produz una quexa de Nales contra los sos soldaos. Al regresu de Pedro Menéndez ye de nuevu gobernador de San Felipe. El 13 d'agostu de 1570 empecipia'l so regresu a España, llegando al puertu de Cádiz el 22 d'ochobre, lo que motiva dilixencies de la Casa de Contratación de Sevilla de les que ye absueltu.

El 30 d'avientu de 1572 foi nomáu sol auspicio de Pedro Menéndez capitán del galeón «Santiago'l menor».

En retirándose foi provisor de l'armada española. Morrió na panameña Nome de Dios en 1577

Enllaces esternos[editar | editar la fonte]




Esteban de las Alas