Estaos Xuníos d'África
Estaos Xuníos d'África ye'l nome d'una posible federación de naciones africanes propuesta por Kwame Nkrumah.
El exgobernante de Libia Muammar al-Gaddafi yera'l principal promotor de la idea d'arrexuntar a 53 naciones africanes (nesi momentu nun esistía Sudán del Sur) so un solu gobiernu. Gadafi argumentaba que la creación de los Estaos Xuníos d'África ye la única manera de solucionar los problemes de probeza y atrasu qu'acorvien al continente:"El nuesu continente ta atrasáu, ye probe, sufre d'enfermedaes, ta estremáu y esplotáu (...) ¿tendríamos de dexar qu'esta situación siga?"[1]
El 1 de xunetu de 2007, nel cume de la Xunión Africana realizada en Accra, Ghana, los representantes de 53 países aprobaron la creación y un comité de ministros pa estudiar les funciones d'un gobiernu supranacional.
En principiu, hai consensu continental alrodiu de la necesidá de crear una unión africana, pero'l procesu d'integración plantegó interrogantes en redol a la seguridá coleutiva y la soberanía de los países más pequeños y cómo encetar los derechos de les cultures minoritariu y tribal del continente.
Ver tamién[editar | editar la fonte]
Referencies[editar | editar la fonte]
- ↑ Moody B, Cumbre alderica idea alrodiu d'Estaos Xuníos de Africa, Reuters 1 de xunetu de 2007
| Control d'autoridaes |
|
|---|
Datos: Q1991472