Estadiu Estrella Colorada

De Wikipedia
Saltar a navegación Saltar a la gueta
Estadiu Estrella Colorada
Fk Red Star stadium.jpg
Llocalización
Coordenaes 44°47′00″N 20°27′54″E / 44.7832°N 20.4649°E / 44.7832; 20.4649Coordenaes: 44°47′00″N 20°27′54″E / 44.7832°N 20.4649°E / 44.7832; 20.4649
Estadiu Estrella Colorada is located in Serbia
Estadiu Estrella Colorada
Estadiu Estrella Colorada
Estadiu Estrella Colorada (Serbia)
Historia y usu
Dueñu Estrella Colorada de Belgráu
Xestión Estrella Colorada de Belgráu
Deporte fútbol
Usuariu Estrella Colorada de Belgráu
Aforu 55 538
Cambiar los datos en Wikidata

L'Estadiu "Rajko Mitić" (en serbiu Stadion "Rajko Mitić", cirílicu Стадион "Рајко Митић"), conocíu popularmente como Marakana (serbiu: Маракана), ye un estadiu multiusos de Belgráu, Serbia. Anguaño'l so usu ta llendáu a los partíos de fútbol del Estrella Colorada de Belgráu, qu'utiliza l'estadiu como llocal. Tien capacidá pa 55.538[1] espectadores. Construyóse'n 1963.

Historia[editar | editar la fonte]

El 27 d'avientu de 1959, l'Estrella Colorada xugó'l so postrer partíu contra'l FK Novi Sad nel vieyu estadiu construyíu en 1927.

Xuntu al estadiu derribáu perdióse tamién una parte de la historia del fútbol. Naquel estadiu Moša Marjanović marcó-y un famosu gol al porteru español Ricardo Zamora, František Plánička foi batíu, y tres la Segunda Guerra Mundial xugáronse gran cantidá de partíos.

Tres el partíu de despidida, l'estadiu valtóse pa reemplazalu por un nuevu estadiu más modernu allugáu nel mesmu llugar. Col fin d'afaer la área de construcción pal nuevu estadiu, que tenía de ser 12 metros más baxu que l'anterior, tuvieron que movese más de 350.000 metros cúbicos de tierra y 15.000 metros cúbicos de piedra.

L'estadiu taba preparáu pa inaugurase dempués de tres años de construcción. La inauguración oficial tuvo llugar el 1 de setiembre de 1963 col partíu de lliga contra'l NK Rijeka (2:1). Aquel día, unos 55.000 espectadores pasaron al estadiu al traviés de 9 puertes d'entrada de 5 metros d'anchor caúna escontra les graes entá ensin rematar.[2]

La mayor entrada rexistróse nun derby contra'l FK Partizan (74.000 espectadores). El siguiente añu, una vegada que l'estadiu tuvo dafechu rematáu, la so capacidá amontó hasta los 110.000 espectadores y tomó el nomatu estraoficial de Marakana, Pequeñu Maracaná de Belgráu, n'honor al famosu estadiu brasileñu. Aparte del bon aspeutu qu'ufiertaba'l nuevu estadiu, tamién cuntaba con un perbonu terrén de xuegu con sistema de drenaxe nel verde.

El primer gol oficial de la máxima competición nacional marcólu Nedeljko Vukoje del Rijeka, mientres Dusan Maravic foi el que marcó'l primeru pal Estrella Colorada nel Pequeñu Maracaná, nel mesmu partíu.

Acordies con el númberu d'entraes vendíes, el Pequeñu Maracaná vivió la so mayor entrada'l 23 d'abril de 1975 nel partíu de semifinales de la Recopa d'Europa contra l'equipu húngaru del Ferencváros (2:2). Oficialmente, aquella nueche había 96.070 espectadores nes graes, pero créyese que l'estadiu enllenóse hasta'l máximu de capacidá que les sos infraestructures dexaben, que yeren los 110.000 espectadores.

Nos años siguientes la capacidá del Pequeñu Maracaná foi escayendo pali que pali. Los retoques pa la so modernización llevaron cada vez más asientos y menos capacidá a les graes. A mediaos de los años 90, y pa cumplir los requisitos de la reglamentación de la UEFA no que cinca a seguridá, desaniciáronse les llocalidaes de pie. Instaláronse asientos nes cuatro graes, polo que la capacidá máxima del Pequeñu Maracaná anguaño ye de 51.395 espectadores.

Imáxenes[editar | editar la fonte]

Partíos Eurocopa 1972[editar | editar la fonte]


30 d'abril de 1972, 16:00 Yugoslavia Flag of Yugoslavia (1946-1992).svg

0:0

Visita Crvena Zvezda Stadium, Belgráu
Asistencia: 45.000 espectadores
Árbitru: Rudolf Scheurer (Suiza)


Partíos Eurocopa 1976[editar | editar la fonte]


16 de xunu de 1976, 20:15 Checoslovaquia Flag of the Czech Republic.svg

3:1

Visita Maksimir Stadium, Zagreb
Ondrus 20'
Nehoda 114'
Vesely 119'
Asistencia: 40.000 espectadores
Árbitru: Clive Thomas (Gales)


Artículu principal: Final de la Eurocopa 1976
20 de xunu de 1976, 20:15 Checoslovaquia Flag of the Czech Republic.svg

2:2

Visita Crvena Zvezda Stadium, Belgráu
Svehlik 8'
Dobias 25'
Asistencia: 30.800 espectadores
Árbitru: Sergio Gonella (Italia)
Tanda de penaltis
Masny Yes check.svg 1:1 Yes check.svg Bonhof
Nehoda Yes check.svg 2:2 Yes check.svg Flohe
Ondrus Yes check.svg 3:3 Yes check.svg Bongartz
Jurkemik Yes check.svg 4:3 X mark.svg Hoeness
Panenka Yes check.svg 5:3


Referencies[editar | editar la fonte]

Enllaces esternos[editar | editar la fonte]


Predecesor:
Estadiu de Heysel
Bandera de Bélxica Bruxeles
1972
UEFA logo
Final de la Eurocopa

Flag of Yugoslavia (1946-1992).svg Yugoslavia 76
Socesor:
Stadio Olimpico
Bandera d'Italia Roma
1980
Estadiu Estrella Roja