Estadiu Deportivo Cali

De Wikipedia
Saltar a navegación Saltar a la gueta
Estadiu Deportivo Cali
estadiu de fútbol
Estadio Deportivo Cali1.jpg
Llocalización
PaísBandera de Colombia Colombia
DepartamentuFlag of Valle del Cauca.svg Valle del Cauca
Conceyu Palmira
Coordenaes 3°31′18″N 76°25′01″O / 3.5216°N 76.417°O / 3.5216; -76.417Coordenaes: 3°31′18″N 76°25′01″O / 3.5216°N 76.417°O / 3.5216; -76.417
Estadiu Deportivo Cali alcuéntrase en Colombia
Estadiu Deportivo Cali
Estadiu Deportivo Cali
Estadiu Deportivo Cali (Colombia)
Historia y usu
Apertura2010
Dueñu Asociación Deportivo Cali
Xestión Asociación Deportivo Cali
Deporte fútbol
Usuariu Asociación Deportivo Cali
Deportivo Cali Femenino (es) Traducir
Divisiones menores Deportivo Cali (es) Traducir
Aforu 42 000
Web oficial
Cambiar los datos en Wikidata

L'Estadiu Deportivo Cali, tamién conocíu como Estadiu Monumental de Palmaseca, Coloso de Rozo, ye un estadiu de fútbol, y ye u xuega los sos alcuentros en condición de llocal el Deportivo Cali, ta asitiáu na zona rural de Palmira, Colombia, nel km 8 de la autopista interdepartamental en Palmira.

Foi merecedor nel añu 2006 del premiu «Excelencia Inmobiliaria Colombia 2006» dau pola Federación Internacional de Profesiones Inmobiliaries, como la obra civil de mayor envergadura en Colombia.[1]

Llueu de la reducción del aforu en 2018, l'Estadiu Deportivo Cali baxo de 52.000 a 42.000 espectadores.[2]

Historia[editar | editar la fonte]

Conel Acta No. 178 de 1996 les directives designaron a Harol Abadía, Gustavo Arana y Federico O'Byrne pa conformar una comisión que visitaría los estadios Isidro Romero Carbo del Barcelona d'Ecuador, George Capwell del Emelec y l'Estadiu de Liga Deportiva Universitaria del equipo de mesmu nome, conel fin de conocer la forma de financiación d'estos estadios modernos. El encargáu de facer les estimaciones pala construcción del estadiu del equipu foi l'arquitectu Ricardo Mórtola.[1]

Palcos de la tribuna occidental Alex Gorayeb

El 6 de payares de 1998, fixose pública na sede urbana del club, la sede Alex Gorayeb, les primeres dos opciones de construcción del Estadiu. El club recibiría esi día la donación de 200 000 m² por parte de les families Holguín, Lehner y Madrinán nuna carta entregada por José Mejía al entoncies presidente de l'institución Humberto Arias. Tamién diose la noticia de la decisión de la Alcaldía de Palmira d'eximir de too impuestu a l'institución durante un lapsu de 10 años. Por últimu les empreses «Palcos y Suites» y «Olympys» fixeron entrega de toa l'información pertinente para construir un escenariu qu'amás d'usase pa eventos deportivos fora un complexo social pa desempeñar múltiples funciones y equipáu con too lo necesariu pa ello.[1]

El 12 de marzu fadríase efectivu'l trespasu del llote nuna reunión na sede alministrativa. A nome de los donantes asistió Julián Vicente Holguín y en nome de l'Asociación Deportivo Cali lo fixu'l vicepresidente Gustavo Arana, quien ante la notaria Beatriz Silva, dela Notaría 10ª del Circuitu de Cali, concretaron el trespasu, nel que tuvo presente l'alcalde de Palmira, José Antonio Calle. El 7 de setiembre foi presentada una maqueta del estadiu con toles regles FIFA por Francisco Javier Gonzáles, presidente de «Palcos y Suites», l'arquitecto José Vicente Viteri y Jaime Alberto Martínez y José Mejía, representantes del promotor del proyeuto.[1]

Construcción[editar | editar la fonte]

El Frente Radical Verdiblanco na tribuna norte.

El 24 d'agostu de 2001 puxose la primera piedra del escenariu. En presencia del presidente de la institución Humberto Arías, les directives del fútbol colombiano, los socios, invitaos y prensa deportiva, l'Obispu de Palmira, Monseñor Orlando Corrales bendixo esta piedra. El 4 de xunetu de 2002 entamaron les obres de construcción,[3] que tuvo varios contratiempos como'l alcontráu'l 20 de febreru de 2007, cuando antropólogos de l'Universidá Nacional de Colombia descubrieron un cementeriu indíxena nos terrenos del estadiu.[4][3]

Nel llugar foron alcontraos desdí cerámiques hasta cuerpos, toos pertenecientes a la cultura malagana que vivió na zona desdí'l sieglu V enantes de la nuesa era hasta'l sieglu V de la nuesa era.[4] Los restos alcontraos foron dispuestos nun muséu conel que cuenta l'escenariu,[3] amás esta cultura indíxena foi plasmada nun mural nel esterior de l'estructura polos maestros de la pintura vallecaucana Mario Gordillo, Pedro Alcántara y Roberto Molano, quien representaron nl mural los paisaxes del departamentu, representando la cultura malagana con reconocíes figures del deporte.[1]

Otros problemes que presentó durante la construcción foron l'escasez de fierru nel mercáu y un humedal qu'obligó a camudar los planes hídricos del establecimientu.[3] N'agostu de 2011 entamáronse obres d'adecuación qu'incluyeron rampes y vía alterna d'accesu, plantes de tratamientu d'aguas residuales adecuaiones de seguridá.[5]

Constructor[editar | editar la fonte]

El diseñador de los planos del estadiu ye quién nun principiu construyera l'Estadiu Isidro Romero Carbo de Barcelona, l'ecuatorianu Alfredo Gregor, quién, darréu llanzaría otra obra como ye l'Estadiu Casa Blanca de Liga de Quito, llueu diseñaría l'Estadiu Monumental d'Universitario de Deportes, colos planos utilizaos pa los estadios ecuatorianos. llueu, diseñaría l'estadio del Deportivo Cali, colos mesmos planos.[6]

Preinauguración[editar | editar la fonte]

Partío ente'l Deportivu Cali y Liga de Quito.

Tando les dos tribunes principales cerca de la so culminación, l'oriental, Carlos Sarmiento Lora, y l'occidental, Alex Gorayeb, el 27 de setiembre de 2003 disputóse un cuadrangular ente la cantera del Deportivo Cali, el colexo Bolívar, Jefferson y Colombo-Británico. El saque d'honor executólo Carlos «El Pibe» Valderrama.[1] El 25 de xineru estrénase'l prau nun alcuentru de pretemporada ante Quindío, nun primer alcuentru colas formaciones alternes los equipos empataron a 2 dianes, nel segundu alcuentru'l Cali caería 1-2.[4]

Deportivo Cali estrenó'l so estadiu'l miércoles 29 d'ochobre de 2008, con victoria 1 - 0 ant'l campeón vixente de la Copa Lliberadores, Liga Deportiva Universitaria de Quito, con anotación de Harold Herrera.[7][4]

Nesti estadiu llevóse a cabo'l 19 de payares de 2008 l'alcuentru ente los seleccionados de Colombia y Nixeria, el cual terminó con un gol del delantero samariu Radamel Falcao García, conun pase de Sergio Herrera.[8][4]

Inauguración[editar | editar la fonte]

La inauguración oficial sucedió'l 21 de febreru de 2010 ante'l Deportes Quindío, nun encuentro nel que los llocales vencieron 2-0. El primer gol foi anotáu por Jhon Charria, convirtiéndose nel primer xugador n'anotar un gol nel Estadiu Deportivu Cali de manera oficial.[4]

Título de Copa Colombia[editar | editar la fonte]

Deportivo Cali xugó como llocal los sos partíos pola Copa Colombia 2010 nel so estadiu, llegando a la final escontra'l Itagüí Ditaires. El duelu decisivu en Palmaseca favoreció al conxuntu 'azucrero' 2-0 (global 3-0), gracies a los tantos de César Amaya y Andrés «Manga» Escobar. Esti foi'l primer títulu qu'obtiene Deportivu Cali nel so estadiu propiu, el cual le dio'l cupu pa xugar la Copa Sudamericana 2011.[4]

Referencies[editar | editar la fonte]

  1. 1,0 1,1 1,2 1,3 1,4 1,5 Asociación Deportivo Cali (2008). Deportivo Cali - Nuestra Historia, 1 (n'Español). ISBN 978-958-98803-0-2.
  2. El Tiempo (ed.): «Estadio del Deportivo Cali reverdece con instalación de 12.000 sillas» (en castellanu) (17 d'xineru de 2018).
  3. 3,0 3,1 3,2 3,3 Error de cita: La etiqueta <ref> nun ye válida; nun se conseñó testu pa les referencies nomaes Aforo
  4. 4,0 4,1 4,2 4,3 4,4 4,5 4,6 Chavez, Jairo. «CRONICA DEPORTIVA». Consultáu'l 18 d'agostu de 2012.
  5. Deportivo Cali jugará en el 'Pascual Guerrero'. El País. 18 d'agostu 2011. https://www.elpais.com.co/elpais/deportes/deportivo-cali-jugara-en-pascual-guerrero. Consultáu 'l 18 d'agostu de 2012. 
  6. Lemos, Jhon Mario (22 de xineru de 2012). Estadiu Deportivo Cali, el Coloso de Palmaseca. Arquiteuturamundial.com. http://www.arquiteuturamundial.com/2012/01/estadio-deportivo-cali-el-coloso-de-palmaseca/. Consultáu 'l 18 d'agostu de 2012. 
  7. Deportivo Cali estrenó su estadio con triunfo 1-0 frente a Liga de Quito. El Tiempo. 29 d'ochobre de 2008. http://www.eltiempo.com/archivo/documento/CMS-4634432. Consultáu 'l 18 d'agostu de 2012. 
  8. Estadiu Deportivo Cali. 5 d'abril de 2011. http://www.futbol-colombiano.com/estadios-de-colombia/estadio-deportivo-cali.php. Consultáu 'l 18 d'agostu de 2012. 

Enllaces esternos[editar | editar la fonte]