Estadiu Carlos Tartiere

Coordenaes: 43°21′39″N 5°52′13″W / 43.3608°N 5.8702°O / 43.3608; -5.8702
De Wikipedia
Estadiu Carlos Tartiere
estadiu de fútbol
Llocalización
País España
Autonomía Principáu d'Asturies
Provincia provincia d'Asturies
Conceyu Uviéu
Parroquia Uviéu
Ciudá Uviéu
Coordenaes 43°21′39″N 5°52′13″W / 43.3608°N 5.8702°O / 43.3608; -5.8702
Estadiu Carlos Tartiere alcuéntrase n'Asturies
Estadiu Carlos Tartiere
Estadiu Carlos Tartiere
Estadiu Carlos Tartiere (Asturies)
Historia y usu
Apertura20 setiembre 2000
Dueñu Uviéu
Xestión Real Uviéu
Deporte fútbol
Usuariu Real Uviéu
Aforu 30 500
Categoría UEFA Categoría 3 3/4 estrellas
Cambiar los datos en Wikidata

Estadiu Carlos Tartiere ye'l nome que ricibe l'estadiu de fútbol de la ciudá d'Uviéu (Asturies, España), nel que xuega'l Real Uviéu, n'honor a Carlos Tartiere, primer presidente del club.

Antiguu Carlos Tartiere[editar | editar la fonte]

El primeru de los dos estadios ye'l qu'estaba sitiáu nel barriu de Buenavista. En principiu esti estadiu nomábase "de Buenavista", pero en xunu de 1958 esti nome camudose por el del primer presidente del club.

El 4 de xunu de 1969 inauguróse la iluminación artificial del campu durante l'encuentru amistosu ente'l Real Madrid y l'equipu llocal. Foi reconstruidu con motivu del Mundial de Fútbol España'82, nel que fuoi una de las sedes oficiales; de forma que'l so aforu pasó de ser de 20.000 persones a 22.500. El partíu de inauguración depués de les obres enfrentó al Real Uviéu y a la seleición chilena.

En 1998 con motivu de cumplir cola normativa de l'UEFA y meyorar la seguridá nos campos de fútbol móntense butaques a cuasi tol campu de forma que l'aforu baxa hasta les 16.000 persones. Esti fechu fizo que fora necesaria la construcción d'un nuevu campu de fútbol pa la ciudá con capacidá suficiente pa tolos aficionaos. El 20 de mayu de 2000 l'Uviéu xuega'l so últimu partíu nel Carlos Tartiere y ésti ye valtáu en 2003, una vez tuvo finalizáu esti nuevu estadiu.

Nos terrenos qu'ocupaba l'estadiu construyose'l Palaciu de Congresos de la ciudá, diseñau por Santiago Calatrava.

Nuevu Carlos Tartiere[editar | editar la fonte]

El nuevu Carlos Tartiere (idénticu nome a l'antiguu) t'allugáu nel barriu uvieín de la Iría. Tien capacidá pa 30.500 espeutadores, toos ellos sentaos. Amás cuenta con un palcu d'honor y más de 200 asientos VIP L'estadiu ta calificáu con cuatro estrelles UEFA. Foi inaugurau oficialmente'l 20 de setiembre de 2000 con un partíu amistosu ente l'Uviéu y el FK Partizan, anque'l día 17 ya se ficiera de forma oficiosa nun partíu de lliga de Primer División ente'l Real Uviéu y la UD Las Palmas. El primer gol nesti estadiu marcólu'l xugador de la UD Las Palmas, (Robert Jarni), de penalty.

Les prises de l'Ayuntamientu d'Uviéu por construyir esti nuevu estadiu y asina poder aprovechar los céntricos terrenos de l'antiguu, llevaron a que la obra final presente numberoses deficiencies. Entamando pol terrenu de xuegu sobre'l que ta emplazáu, que nun ye'l meyor pal correutu medrar del césped nun entornu húmedu y con poques hores de lluz del sol direuta. Pero dende l'añu 2008, el problema del céspede paez tar desapaeciendo, yá que dende esta fecha el Nuevu Carlos Tartiere dispón d'una alta calidá del céspede en comparación con años anteriores.

De toles maneres, nunca nun dexó de ser oxetu de numberoses crítiques, especialmente n'agraviu comparativu col anterior estadiu, por considerar el nuevu menos afayadizu, peor ubicáu, fríu y ensin la capacidá de xenerar el mesmu ambiente. Parte d'ello ye tamién debíu a la falta de color y l'escesu del usu del formigón, motivu pol qu'a vegaes ye referíu como La Formigonada.

Referencies[editar | editar la fonte]

Enllaces esternos[editar | editar la fonte]