Espiral del silenciu

De Wikipedia

La Espiral del silenciu ye una teoría de ciencies polítiques y comunicación propuesta pola politóloga alemana Elisabeth Noelle-Neumann. La teoría indica que ye menos probatible qu'un individuu dé la so opinión sobre un asuntu ente un grupu de xente si siente que ye parte de la minoría, por mieu a la represión o l'aislamientu. (Anderson 1996: 214; Miller 2005: 277).

Estructura básica[editar | editar la fonte]

Los individuos empleguen lo que se describe como una "habilidá innata" o conciencia cuasi-estadística pa midir la opinión pública (Miller 2005: 278). Los medios de comunicación inflúin enforma a la hora d'afitar qué opinión ye la predominante, pues la observación direuta llimítase a un pequeñu porcentaxe de la población. Esta influencia sobre la perceición de los individuos ye enorme, inda cuando los medios de comunicación dean una interpretación errónea de lo que ye la opinión pública.(Scheufele y Moy 1999).

Noelle-Neumann describe a la espiral del silenciu como un procesu dinámicu, nel que les predicciones sobre la opinión pública conviértense nun fechu de mientres se convierten nel statu quo gracies a la cobertura de los medios de la opinión de la mayoría, y la minoría se vuelve menos propensa a manifestar la so opinión. (Miller 2005:278). Sicasí, la teoría namás se puede aplicar a asuntos morales, y no a los temes que puean probase como ciertos o equivocados por mor de la evidencia.

La espiral del silenciu dase entós cuando, por un tiempu más o menos llargu, una parte importante de les opiniones escuéndense, se silencien, al nun atopar espaciu públicu informativu.

Como quiera que tien aplicación namás n'asuntos morales, que polo xeneral tienden a prevocar respuestes enceses, incluso nos individuos más reservaos, la espiral del silenciu puede utilizase p'amenorgar el descontentu social sobre asuntos controvertíos. (Eckstein y Turman 2002; Gozenbach y Stevenson 1994; Gonzenbach, King, y Jablonski 1999; Moy, Domke y Stamm 2001; Shanahan, Scheufele, Fang Yang, y Hizi 2004). Sicasí, cualquier intentu consciente d'empleala conviértela nun métodu] de manipulación y coerción.

Esceiciones[editar | editar la fonte]

La teoría enuncia que la xente con mayor nivel d'instrucción, o que tien una mayor influencia, asina como los individuos altivos que nun temen l'aislamiento, ye más propensa a manifestase ensin importar-y la opinión pública (Miller 2005: 279). Esa minoría, entós, conviértese en factor necesariu de cambiu na sociedá.

Investigación anguaño[editar | editar la fonte]

Anguaño, la mayoría de les investigaciones sobre la espiral del silenciu se centren n'asuntos sociales como'l tabaquismu, y el desenllaz de los Atentaos del 11 de setiembre de 2001 en Nueva York. (Shanahan y otros. 2004; Scheufele y Moy 2005).

Otra manera, considérase la teoría como aparentemente válida namás pa desaminar cultures occidentales.

Bibliografía[editar | editar la fonte]

  • Anderson, J.A. (1996). Communication theory: epistemological foundations. New York, NY: The Guilford Press.
  • Eckstein, N.J.; Turman, P.D. (2002). "Children are to be seen and not heard": silencing students religious voices in the university classroom. Journal of Communication and Religion, 2,166-192.
  • Gozenbach, W.J.; King, C.; Jablonski, P. (1999). Homosexuals and the military: an analysis of the spiral of silence. Howard Journal of Communication, 4, 281-296.
  • Gozenbach, W.J.; Stevenson, R.L. (1994). Children with AIDS attending public school: an analysis of the spiral of silence. Political Communication, 1, 3-18.
  • Miller, K. (2005). Communication theories: perspectives, processes, and contexts. (2nd ed). New York, NY: McGraw-Hill.
  • Moy, P.; Domke, D.; Stamm, K. (2001). The spiral of silence and public opinion on affirmative action. Journalism and Mass Communication Quarterly, 1, 7-25.
  • Noelle-Neumann, E. (1974). The spiral of silence: a theory of public opinion. Journal of Communication, 24, 43-51
  • Scheufele, D.A.; Moy, P. (1999). Twenty-five years of the spiral of silence: a conceptual review and empirical outlook. International Journal of Public Opinion Research, 1, 954-982.
  • Schmierback, M.; Boyle, M.P.; McLeod, D.M. (2005). Civic attachment in the aftermath of September 11. Mass Communication and Society, 4, 323-346.
  • Shanahan, J.; Scheufele, D. Fang Yang; Hizi, S. (2004). Cultivation and spiral of silence effects:the case of smoking. Mass Communication and Society, 4, 413-428.


Referencies[editar | editar la fonte]

Enllaces esternos[editar | editar la fonte]