Xulio Viejo

Xulio Viejo
Vida
Nacimientu	Uviéu, 1968 (55/56 años)
Nacionalidá	España
Estudios
Llingües falaes	castellanu asturianu
Oficiu	escritor
Miembru de	Conseyu Asesor de Política Llingüística

Xulio Viejo Fernández (1968, Uviéu) ye un llingüista y escritor asturianu.

Biografía

Filólogu de formación y profesor na Universidá d'Uviéu, ta consideráu ún de los principales estudiosos de la llingua asturiana y la so lliteratura. Tien publicao trabayos nos campos de la onomástica, la sociollingüística o la llingüística histórica ente otros.

Ye secretariu de la Revista de Filoloxía asturiana dende la so fundación en 2001.

Como escritor cultiva principalmente la narrativa, anque tien tamién publicao un llibru de poesía col que ganó'l premiu Xuan María Acebal.

Obra

Trabayos d'investigación llingüística y lliteraria

• Entamos d'Onomástica asturiana.: Conseyería d'Educación (Documentos ; 8), Uviéu , 1992
• La conformanza histórica de l'antroponimia asturiana: (tradición, modes y continuidá nos nomes medievales de persona, estudiu estadísticu): Conseyería d'Educación (Documentos ; 22), Uviéu , 1997.
• Llugar de Tene : (antigua feligresía de San Llurienzo y puertu): Academia de la Llingua Asturiana (Toponimia ; 64. Conceyu de Quirós ; 2), Uviéu, 1998.
• Las formas compuestas en el sistema verbal asturiano. Departamento de Filología Española (Biblioteca de filología hispánica. Series minor; 3), Uviéu, 1998.
• La formación histórica de la llingua asturiana: Trabe, Uviéu, 2003.
• Llingua y cultura lliteraria na Edá Media asturiano-lleonesa: Trabe (Historia de la lliteratura asturiana; 1), Uviéu, 2004.

Ediciones crítiques

• Antón de Marireguera: Fábules, teatro y romances: Alvízoras llibros, Uviéu, 1997.

Narrativa

• Na llende del concicional perfeutu: Llibros del Pexe, Xixón, 1990.
• Les falcatrúes del demoniu: Trabe, Uviéu 1992.
• Los araxales de la vida. Trabe, Uviéu, 2001.

Poesía

• Les etimoloxíes del silenciu. Uviéu, 1997.

Referencies

• Datos: Q9096764