Juan Agustín Ceán Bermúdez

De Wikipedia
Juan Agustín Ceán Bermúdez
Vida
Nacimientu Xixón17 de setiembre de 1749[1]
Nacionalidá España
Muerte Madrid3 d'avientu de 1829[1] (80 años)
Familia
Casáu con Manuela Camas y de las Heras [2]
Estudios
Estudios Universidá d'Alcalá
Llingües falaes castellanu[3]
Oficiu historiador del arte, escritor, políticu, pintorcríticu d'arte
Trabayos destacaos Colección lithographica de cuadros del Rey de España el Sr. D. Fernando VII (es) Traducir
Diccionario histórico de los más ilustres profesores de las Bellas Artes en España (es) Traducir
Sumario de las antigüedades romanas que hay en España, en especial las pertenecientes a las Bellas Artes (es) Traducir
Cambiar los datos en Wikidata

Juan Agustín Ceán Bermúdez (17 de setiembre de 1749Xixón – 3 d'avientu de 1829Madrid) foi un pintor, historiador, coleicionista y críticu d'arte ilustráu asturianu.

Biografía[editar | editar la fonte]

D'oríxenes humildes, estudió llatín en Xixón y filosofía na Universidá d'Alcalá.[4] Foi protexíu de Xovellanos, a que'l so serviciu tuvo como secretariu, pa pasar dempués a selo de Francisco Cabarrús. A les órdenes d'esti postreru conoció a Leandro Fernández de Moratín, con quien-y xunió una gran amistá.

En 1791 foi-y encamentáu l'arreglu del Archivu d'Indies. Más palantre, gracies a la proteición de Xovellanos, foi nomáu oficial de la secretaría pal Estáu de Gracia y Xusticia d'Indies. En 1800 publicó la so obra más destacada, el Diccionariu históricu de los más pernomaos profesores de les Belles Artes n'España. En 1814 publicó la primer biografía de Xovellanos, fundamental pa la conocencia del personaxe.

Foi miembru de la Real Academia de Belles Artes de San Fernando, y amigu del pintor Francisco de Goya, quien pintó la so semeya en delles ocasiones.

La Biblioteca Nacional d'España dedicólu en 2016 una esposición[5] a la so faceta como coleicionista, impulsor y estudiosu de les artes, exhibiendo ente múltiples documentos y obres d'arte dellos grabaos qu'él axuntó (de Durero, José de Ribera, Piranesi..) y que pasaron a dicha institución.

Obres[editar | editar la fonte]

  • Diccionario histórico de los más ilustres profesores de las bellas artes en España (Madrid. 1800, 6 Vols.)
  • Descripción artística de la Catedral de Sevilla (Sevilla, 1804)
  • Carta sobre el estilo y gusto en la pintura de la escuela sevillana (Cádiz, 1806)
  • Memorias para la vida del excmo. señor D. Gaspar Melchor de Jovellanos, y noticias analíticas de sus obras (Madrid, 1814)
  • Diálogo sobre el arte de la pintura (Sevilla, 1819)
  • Noticias de los arquitectos y arquitectura de España (Madrid, 1829, 4 Vols.) (Editor).
  • Sumario de las antigüedades romanas que hay en España, en especial las referentes a las Bellas Artes (Madrid, 1832; edición póstuma)
  • Historia del Arte de la Pintura, obra inédita, once tomos manuscritos calteníos na Real Academia de Belles Artes de San Fernando.

Ediciones actuales[editar | editar la fonte]

  • Descripción artística de la Catedral de Sevilla. Barcelona, Viguera Editores, 1981. ISBN 84-85424-05-0
  • Memorias para la vida del excmo. señor D. Gaspar Melchor de Jovellanos, y noticias analíticas de sus obras. Xixón, Gran Enciclopedia Asturiana Silverio Cañada, 1988. ISBN 84-7286-274-7
  • Vida de don Gaspar Melchor de Jovellanos. Xixón, Atenéu Xovellanos de Xixón, 2000. ISBN 84-931361-0-7.
  • Diccionario histórico de los más ilustres profesores de Bellas Artes en España. Madrid, Akal, 2001. ISBN 84-460-1617-6.
  • Sumario de las antigüedades romanas que hay en España. Valencia, Llibreríes París-Valencia, 2003. ISBN 84-8339-279-8.

Referencies[editar | editar la fonte]

  1. 1,0 1,1 Afirmao en: SNAC. Identificador SNAC Ark: w67m0pw4. Apaez como: Juan Agustín Ceán Bermúdez. Data de consulta: 9 ochobre 2017. Llingua de la obra o nome: inglés.
  2. URL de la referencia: http://www.fundaciongoyaenaragon.es/goya/obra/catalogo/?ficha=364. Data de consulta: 22 ochobre 2018.
  3. Biblioteca Nacional de Francia. «autoridaes BNF» (francés). Consultáu'l 10 ochobre 2015.
  4. Díaz-Andreu García M, Mora G, Cortadella J (coordinadores). Diccionariu históricu de l'arqueoloxía n'España (sieglos XV-XX). Madrid: Marcial Pons; 2009. p.191. ISBN 987-84-96467-45-3
  5. Ceán Bermúdez, un eruditu ilustráu na BNE, Biblioteca Nacional d'España, 19 de mayu de 2016.

Enllaces esternos[editar | editar la fonte]