Iván Espinosa de los Monteros

De Wikipedia
Iván Espinosa de los Monteros
Diputáu nel Congresu de los Diputaos d'España

3 avientu 2019 -
Distritu: Madrid
Eleiciones: eleiciones al Congresu de los Diputaos de payares de 2019
Diputáu nel Congresu de los Diputaos d'España

16 mayu 2019 -
Distritu: Madrid
Eleiciones: eleiciones al Congresu de los Diputaos d'abril de 2019
Secretariu xeneral de Vox

17 avientu 2013 - 20 setiembre 2014 - Javier Ortega Smith-Molina
Vida
Nacimientu Madrid[1]3 de xineru de 1971[1] (53 años)
Nacionalidá España
Familia
Padre Carlos Espinosa de los Monteros y Bernaldo de Quirós
Madre María Eugenia de Simón y Vallarino
Casáu con Rocío Monasterio (2001 – )[2]
Fíos/es 4
Familia
Estudios
Estudios Universidá Pontificia Comillas
Universidá Northwestern
Llingües falaes castellanu
inglés
francés
Oficiu políticu, economistapromotor inmobiliariu
Llugares de trabayu Madrid
Creencies
Relixón catolicismu[3]
Partíu políticu Vox (dende 2013)
Cambiar los datos en Wikidata

Iván Espinosa de los Monteros y de Simón (3 de xineru de 1971Madrid) ye un promotor inmobiliariu, economista y políticu español, vicesecretariu de rellaciones internacionales de Vox. Ye diputáu nel Congresu dientro de la XIII llexislatura y voceru de Vox en dicha instancia.

Trayeutoria profesional[editar | editar la fonte]

Ñacíu en Madrid, ye fíu de Carlos Espinosa de los Monteros y Benaldo de Quirós, IV marqués de Valtierra, y la so muyer, María Eugenia de Simón y Vallarino. Ye descendiente de Carlos Espinosa de los Monteros y Sagaseta de Ilurdoz, militar y diplomáticu español, a que'l so favor foi creáu'l marquesáu de Valtierra por Alfonso XIII en 1907. Estudió Ciencies Económiques y Empresariales n'ICADE y llogró un MBA de finances n'Estaos Xuníos. En 2001 casóse con Rocío Monasterio, arquiteuta hispanocubana, con quien tien cuatro fíos.​ El matrimoniu n'ocasiones trabayó en conxuntu nel sector de la construcción, mercando espacios ensin usu pa convertilos en viviendes de luxu diseñaes por Monasterio. Espinosa tamién trabayó n'empreses de consultoría, xestión ya inversión.

Carrera política[editar | editar la fonte]

Pertenez al partíu políticu Vox dende la so fundación en 2013, ocupó'l cargu de Secretariu Xeneral de la Comisión Organizadora Provisional enantes de la celebración del primer congresu del partíu. De siguío pasó a ocupar la Secretaría Xeneral del partíu hasta ochobre de 2016, cuando tomó cargu de la Vicesecretaría de Rellaciones Internacionales. Formó parte de la llista eleutoral del partíu nes eleiciones europees de 2014, encabezada por Vidal-Quadras, y que nun llogró representación. Ocupa'l tercer puestu na llista eleutoral per Madrid de la so formación pal Congresu de los Diputaos pa les eleiciones xenerales de 2019.

Por cuenta del so cargu nel partíu, tuvo ocasión de collaborar con diverses conxustes televisaes como El Gato al Agua (IntereconomíaTV) o Espejo Público (Antena 3). Manifestóse a favor de la unidá d'España y la monarquía. Foi votante del Partíu Popular, formación cola que ye críticu anguaño.

Posiciones polítiques[editar | editar la fonte]

Espinosa criticó en distintes ocasiones la Llei de Violencia de Xéneru.​ Tamién se manifestó a favor de la illegalización de partíos contrarios a la unidá d'España y que nun arrenuncien al marxismu

Polémiques[editar | editar la fonte]

Procedimientos xudiciales

N'abril de 2019, el diariu dixital eldiario.es informaba de qu'un xulgáu de Madrid condergó a una empresa, de la qu'Espinosa yera alministrador, a pagar parte d'una delda que contraxo con una constructora a la que contrataría pa realizar unes obres nuna vivienda en Madrid y sobre les qu'hubo discrepancies, habiendo pagáu Espinosa parte de los arreglos necesarios que'l so importe'l xulgáu descontó de la cantidá reclamada. La conderga foi ratificada pola Audiencia Provincial de Madrid. En setiembre de 2018, un xulgáu de 1ª Instancia de Madrid condergó a Espinosa a realizar el pagu de dicha delda (57.038€), puesto que la so empresa declarara un concursu d'acreedores.[ensin referencies]

Referencies[editar | editar la fonte]

  1. 1,0 1,1 URL de la referencia: http://www.congreso.es/portal/page/portal/Congreso/Congreso/Diputados/BusqForm?_piref73_1333155_73_1333154_1333154.next_page=/wc/fichaDiputado?idDiputado=270&idLegislatura=13. Data de consulta: 18 agostu 2019.
  2. URL de la referencia: https://www.20minutos.es/noticia/3533207/0/quien-es-ivan-espinosa-de-los-monteros-vox/.
  3. «Espinosa de los Monteros ha tomado el control absoluto de Vox». ««Iván se confiesa padre y esposo amantísimo, heterosexual declarado, católico, taurino, melómano y senderista. »»

Enllaces esternos[editar | editar la fonte]