Internacionalismu

De Wikipedia
Internacionalismu
ideoloxía política
orden mundial (es) Traducir
Cambiar los datos en Wikidata

L'internacionalismu[1] ye un movimientu políticu y cultural qu'aboga por una mayor cooperación política y económica ente les naciones pal beneficiu mutuu.

Marxistes y anarquistes defenden la necesidá de xunir los esfuercios de la clas obrera de tol mundu pa erradicar toa clas social. A iniciativa de Karl Marx, en 1864, creóse l'Asociación Internacional de Trabayadores a la que se xuntaron marxistes, anarquistes y sindicalistes. Pero grandes discrepancies ideolóxiques ente marxistes y anarquistes ficiéronla invidable y acabó por desapaecer en 1876.

Los partidarios d'esti movimientu, como por casu los siguidores del Movimientu Federalista Mundial, afirmen que les naciones tienen de cooperar ente elles, porque los sos intereses mutuos a llargu plazu son más valibles que los sos intereses individuales a curtiu plazu. L'internacionalismu oponse por naturaleza al xovinismu y a los movimientos de globalización puramente económicos que nieguen el valor de la cultura y les diferencies ente les naciones (ver alterglobalización). L'internacionalismu presupón la reconocencia del restu de les naciones como iguales, respetando toles sos diferencies.

El términu internacionalismu diferénciase del cosmopolitismu en que'l primeru aboga en pro de la unión de los trabayadores del mundu pa construyir un mundu socialista nuevu, ente que'l cosmopolitismu ye una postura individualista y burguesa que niega los conceutos d'Estáu y Nación a seques.

Referencies[editar | editar la fonte]

Ver tamién[editar | editar la fonte]

Enllaces esternos[editar | editar la fonte]