Indochina

Coordenaes: 16°N 102°E / 16°N 102°E / 16; 102
De Wikipedia
Indochina
Situación
Tipu península
Parte de Asia
Asitiáu en Océanu Índicu
Coordenaes 16°N 102°E / 16°N 102°E / 16; 102
Datos
Superficie 2 413 620 km²
Cambiar los datos en Wikidata

Indochina, o península d'Indochina, ye una zona del sureste asiáticu asitiada ente la India y China. Entiende'l territoriu de los actuales países de Camboya, Vietnam, Laos, Myanmar y Tailandia, según Singapur, la parte continental de Malasia, estos dos últimos na península de Malaca. En sentíu más estrictu, solo denomínase Indochina a los territorios que fueron colonies franceses d'Asia, estes son: Laos, Camboya, Annam, Tonkín y Cochinchina.[1] Ta allugada aproximao ente los 25º de llatitud norte y la llinia del ecuador, y los 90º de llargor esti y los 110º de llargor esti.

Llinda, al norte, colos montes d'Assam, el pandu de Yun-yaya y los montes de Kwang-si; al este, cola provincia de Kwang-si (Cantón), el golfu de Tonkin, el mar de la China Meridional, el golfu de Siam y l'estrechu de Malaca; y, al oeste, col golfu de Martaban y el golfu de Bengala.[2]

Los principales montes son les d'Assam (el monte Azul, de 2.170 m), y les Arakan-Yoma, ente los ríos Brahmaputra y Irawadi; les Shañ-Yoma, que s'alcen a unos de 3.200 m, ente'l Irawadi y el Salween; y los montes Tanen-taung-gyi, ente'l Mekong y el Salwin (Lai-pang-ngoun, 2.460 m).

Historia[editar | editar la fonte]

En tiempos remotos esta zona foi poblada por dos corrientes migratories, una venida del norte de la India vía Siam (Tailandia), tribus d'indios qu'ocuparon les zones conocíes güei como Laos, Camboya, Siam, Cochinchina, y Annam Central y del sur.

Indochina

La segunda d'estes corrientes correspuende a los mongoles, provenientes del sur de China, que s'establecieron en Tote-king y que se treslladaron más tarde más escontra'l sur, ocupando'l norte de Annam, fundando l'Imperiu Annamita. Estos annamitas fueron entemeciéndose colos habitantes anteriores hasta que los absorbieron por completu.

La dinastía china gobernó a Annam como vasallos del Imperiu Celestial hasta 257 a. C. De 257-110 a. C. l'Imperiu Annamita foi gobernáu por dos dinastíes natives, dambes feudales a China.

Pero dende 110 a. C. hasta 930 d. C, China ocupó Annam y foi alministrada por gobernadores chinos, sacante pola dominación de dos efímeres dinastíes locales.

Los franceses tomaron Saigón y la so contorna en 1859, Camboya en 1863, la Cochinchina en 1867, Annam y Tonkín en 1883 y finalmente Laos, estableciendo una de les colonies de Francia.

La Indochina francesa formóse n'ochobre de 1887 con Annam, Tonkín, Cochinchina, y la República Jemer; Laos amestsada en 1893. La federación duró hasta 1954. La capital d'Indochina yera Ḥanói. Cada territoriu caltuvo nominalmente cierta autonomía al tener al so frente a distintos monarques, anque'l poder real tuviera en manes de les autoridaes franceses.

Idiomes[editar | editar la fonte]

Toes estes naciones tienen principalmente dos idiomes: l'idioma propiu de la nación que seya y l'idioma comercial, el francés, por cuenta de tantos años que perteneció Indochina a la nación europea de Francia (1884-1954)

Relixón[editar | editar la fonte]

Más del 90 per cientu de la población son de la relixón budista de les cañes Theravāda, Animismu y Mahāyāna, principalmente.

Ente'l 3 y el 4 % de la población d'Indochina son cristianos católicos por cuenta de tantos años que perteneció Indochina a Francia (1854-1954)

Evolución demográfica[editar | editar la fonte]

Basau en cálculos d'historiadores per ende de la población de tola península, son cifres averaes y non definitives. Son del historiador Angus Manddison nel llibru "The world economy" *[2]

Habitantes:

  • Añu 0: 7.000.000.
  • Añu 1000: 11.000.000.
  • Añu 1500: 19.000.000.
  • Añu 1600: 22.000.000.
  • Añu 1700: 25.000.000.
  • Añu 1820: 33.000.000.

Ver tamién[editar | editar la fonte]

  • Espedición francu-española a Cochinchina
  • Gobernador Xeneral de la Indochina Francesa
  • Indochina francesa
  • Imperiu colonial francés
  • Cochinchina (Colonia so alministración direuta de Francia)
  • Tonkín (Protectoráu Francés)
  • Annam (Protectoráu Francés)
  • Conchinchina + Tonkín + Annam = República Socialista de Vietnam
  • Laos (Protectoráu Francés)
  • Camboya (Protectoráu Francés)

Referencies[editar | editar la fonte]

  1. (castellán) Britannica Enciclopedia Moderna ISBN 978-1-61535-516-7
  2. (castellán) [1] Carpetas docentes de la Historia - Facultad de humanidades y Ciencias de la Educación UNLP - ISBN 957 950 34 0658 8